Црна хроника
Каснувања од кучиња скитници пријавени во Куманово, Прилеп и Битола

Вчера во СВР Битола, 28-годишниот Ф.К. од село Свето Митрани, крушевско, пријавил дека на улица „Широк Сокак“ во Битола бил каснат од куче скитник, извести МВР.
Уште два случаи на каснувања од кучиња скитници биле пријавени во Прилеп и еден во Куманово.
– На 09.10.2023 во 22.20 часот во СВР Куманово, Е.И.(46) од Куманово пријавила дека на улица „Никшиќка“ во Куманово била касната од куче скитник. На 09.10.2023 во ОВР Прилеп, М.К.(31) од Прилеп пријавил дека на ул.„Славеј планина“ во Прилеп неговиот татко Г.К. бил каснат од куче скитник. На 09.10.2023 во ОВР Прилеп, И.Т.(45) од Прилеп пријавил дека на бул.„Гоце Делчев“ бил каснат од куче скитник, соопшти МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Со тврд предмет ги нападнал сопругата и малолетната ќерка: уапсен скопјанец

Синоќа во 20:30 часот на подрачјето на Бит Пазар во Скопје, полициски службеници од СВР Скопје лишија од слобода 39-годишник од Скопје.
Полицијата постапила по претходна пријава од неговата 42-годишна сопруга дека во семејниот дом, физички ги нападнал неа и нивната малолетна ќерка, при што употребил и тврд предмет.
По целосно документирање на случајот ќе биде поднесен соодветен поднесок.
Црна хроника
Ги претепал двете сестри: кривична за 19-годишник од Тетовско

СВР Тетово поднесе кривична пријава против 19-годишник од тетовско село.
Тој се сомничи за сторено кривично дело „телесна повреда“.
Имено на 09.08.2025 во семејниот дом, пријавениот физички ги нападнал двете негови сестри, од кои едната е малолетничка.
Црна хроника
Прегазено седумгодишно дете во Скопје

Вчера во 17:45 часот во СВР Скопје е пријавено дека на ул.„Максуд Садик“ во Скопје, патничко возило „фолксваген голф“ со скопски регистарски ознаки, управувано од 24-годишната А.А. од Скопје, удрило во седумгодишно дете-пешак од Скопје.
Во несреќата со тешки телесни повреди се здобило детето, констатирани во Комплексот клиники „Мајка Тереза“.
Полицијата соопшти дека е извршен увид од увидна екипа од СВР Скопје.