Црна хроника
Кривична за директор и вработен во „Комуналец“, кои трошеле пари на претпријатието за гориво за приватни возила

Полицијата од Свети Николе поднесе кривична пријава против 35-годишниот А.Д. и 47-годишниот С.А. од истиот град за сторено кривично дело злоупотреба на службената положба и овластувањето.
Како што информираат од МВР, во период од 30 ноември 2016 до 7 ноември 2017 година, второпријавениот, вработен во ЈКП „Комуналец“ од Свети Николе, со овластување од првопријавениот, кој бил директор на претпријатието, и покрај тоа што знаел дека службените возила не биле во возна состојба, издавал картички за купување гориво за тие возилa. На овој начин било купувано гориво за возила што не биле сопственост на претпријатието.
Директорот и покрај тоа што бил запознаен за состојбата на возилата, ги одобрувал фактурите за набавено гориво. Со ова пријавените му предизвикале штета од 679.342 денара (околу 11.000 евра) на буџетот на ЈКП „Комуналец“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Турчин уапсен на Табановце: кај него е пронајдена марихуана и дробилка

Вчера во 18:15 часот на Граничен премин Табановце, на влез во државата, полициски службеници го лишија од слобода 27-годишнниот А.Х. од Република Турција.
При гранични проверки, односно преглед кај него и контрола на возилото во кое бил сопатник, кај него се пронајдени марихуана и дробилка.
Лицето е задржано во полициска станица и по целосно документирање на случајот, во координација со јавен обвинител, против него ќе биде поднесена соодветна пријава.
Црна хроника
Уапсен 32-годишник од Скопско, превезувал прехранбени производи без документација

Вчера полициски службеници од СВР Скопје го лишија од слобода Б.Р.(32) од село Брест, скопско под сомнение за сторено кривично дело согласно член 278 од Кривичниот законик на Р.С.Македонија.
Имено, при преглед на товарно моторно возило „мерцедес“ со скопски регистарски ознаки кое Б.Р. го управувал била констатирана поголема количина на прехранбени производи и филтри за цигари со неутврдена количина и без соодветна документација.
Б.Р. е задржан во Полициска станица известен е јавен обвинител, а возилото е одземено за понатамошна постапка и по целосно документирање на случајот против лицето ќе биде поднесен соодветен поднесок.
Црна хроника
Уапсен скопјанец, при претрес пронајдени 71 паковка со марихуана

Вчера во 20:45 часот на улицата „Индира Ганди“ во Скопје од страна на полициски службеници од Единицата за интервентна полиција при СВР Скопје извршен претрес на 43-годишниот Џ.Ш. од Скопје при што биле пронајдени 71 полиетиленска паковка со марихуана.
Лицето е лишено од слобода по член 215 од Кривичниот законик на Р.С.Македонија и по целосно документирање на случајот ќе биде поднесен соодветен поднесок.