Црна хроника
Кривична пријава против битолчанец за фалсификување пари
Против 23-годишен битолчанец е поднесена кривична пријава поради сомнение дека фалсификувал пари, информира полицијата.
Во текот на вчерашниот ден Единицата за финансиски криминал при Одделот за сузбивање организиран и сериозен криминал во рамките на БЈБ поднесе кривична пријава до Основното јавно обвинителство Скопје против З. Т. (23) од Битола поради основано сомнение дека е сторител на кривично дело фалсификување пари, предвидено и казниво по член 268, во врска со член 45 од Кривичниот законик.
Имено, кривично пријавениот во текот на 2021 година набавил лажни пари, и тоа вкупно 25 фалсификувани банкноти во апоени од 500 евра, а за кои знаел дека се фалсификувани, со намера да ги пушти во оптек како вистински. На 15.6.2021 З. Т. најпрвин пуштил во промет 5 фалсификувани банкноти од 500 евра во филијала на банка во Скопје, без да бидат забележани од страна на вработениот во банката дека се фалсификат, по што на 17.6.2021 повторно пуштил во промет 20 фалсификувани банкноти од 500 евра во истата банка.
Со ова пријавениот З. Т. пуштил во промет вкупно 12.500 фалсификувани евра, со што стекнал противправна имотна корист во вредност од 766.250 денари на штета на банката, со што ги извршил кривичните дела фалсификување пари, предвидено и казниво по член 268, во врска со член 45 продолжено кривично дело од Кривичниот законик.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.