Црна хроника
Кривична пријава против три лица од Радовишко за повеќе кривични дела во врска со бесправна сеча на дрва
Одделението за внатрешни работи Радовиш до Основното јавно обвинителство Радовиш поднесе кривична пријава против Е. Г. (35) и С. И. (41), двајцата од село Бучим, Радовишко, и Ј. В. (62) од село Лубница, општина Конче, поради основано сомнение дека Е. Г. сторил кривични дела пустошење шума, фалсификување знаци за обележување стоки, мери и тегови и кривично дело вршење јавен превоз без поседување лиценца, дека С. И. сторил кривично дело помагање во врска со кривично дело пустошење шума, а Ј. В. сторил кривично дело несовесно работење во службата.
Е. Г. и С. И., со цел да прикријат пустошење шума на државни парцели, се договориле С. И. да склучи договор со Н. Д. од Радовиш, сопственик на приватни шуми на местото наречено Горна Враштица, атар на селото Дамјан, Радовишко, за сеча и продажба на огревни стебла од парцели на Н. Д., кои граничат со државните парцели. По склучувањето на договорот, Е. Г. во име на Н. Д. поднел барање за одобрение за сеча, при што од ЈП „Национални шуми“ – подружница „Плачковица“ – Радовиш му се издадени одобренија за сеча во катастарските парцели на Н. Д..
Потоа, во периодот од јули до септември 2023 година Е. Г. во 10 катастарски парцели, сопственост на Република Северна Македонија, извршил бесправна сеча на 78,07 кубни метри дабово огревно дрво, со што ѝ нанел штета од 642.859 денари на Република Северна Македонија. Некои од бесправно исечените дрва ги обележал со жиг, кој по карактеристиките не одговара на формата и назнаките на оригиналниот. При транспортот на дрвата полициски службеници од ОВР Радовиш го запреле товарното возило „фиат“, со радовишки регистарски ознаки, управувано од Е. Г., при што било констатирано дека врши превоз без да поседува лиценца.
Третопријавениот Ј. В. при вршењето на овластувањата на работното место референт за сеча, дотур и превоз за приватни шуми, несовесно постапил во вршењето на своите овластувања и должности и изготвувал испратници за превоз на огревно дрво на име на првопријавениот Е. Г. и покрај тоа што одобренијата за сеча биле издадени на име на Н. Д. На овој начин му овозможил на Е. Г. да изврши сеча на вкупно 155,15 кубни метри дабово огревно дрво, со што стекнал противправна имотна корист од 652.405 денари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Затвореници претепале друг осуденик во затворот Идризово
Вчера во 10.00 часот во СВР Скопје било пријавено дека во Казнено – поправната установа Затвор Идризово, осуденикот А.Б.(35) од Скопје бил физички нападнат од осудениците З.Р. и К.Л..
Се преземаат мерки за расчистување на случајот.
Црна хроника
Скопјанец претепан од својот внук
Вчера во 22.45 часот во СВР Скопје, 49 – годишен жител на скопско село пријавил дека околу 22.00 часот во неговиот дом, по претходна расправија, бил физички нападнат од неговиот малолетен внук од Скопје.
Се преземаат мерки за расчистување на случајот.
Црна хроника
Во Центар пронајден починат маж, телото предадено на обдукција
Вчера во 13.30 часот во СВР Скопје било пријавено дека во домот на подрачјето на Центар во Скопје бил пронајден починат В.М.(65) од Скопје.
Лекар од Итна медицинска помош констатирал смрт, а по наредба на јавен обвинител телото на починатиот било предадено на обдукција.