Црна хроника
Кривична против директор на училиште, седум години земал поголема плата од утврдената
Поднесена е кривична пријава против 46-годишниот Т.Д. од Гевгелија поради постоење основи на сомнение за сторено кривично дело „злоупотреба на службената положба и овластување“.
„Во периодот од март 2010 година до септември 2017 година пријавениот како директор на ООУ„Климент Охридски“ во село Миравци, гевгелиско, спротивно на колективниот договор за основно образование, како и спротивно на спогодбите меѓу СОНК и Министерството за образование и наука, и утврдените коефициенти за исплата на плати, и наредил на вработената како секретар, благајник и сметководител во училиштето да му биде пресметуван, а со тоа и исплатуван надоместок на личен доход како за директор на основно училиште со обем од 17 до 36 паралелки, наместо да му биде пресметуван и исплатуван надоместок на личен доход за директор на основно училиште од мал обем, до 16 паралелки, во кој ранг спаѓало наведеното училиште“, соопшти МВР.
На тој начин пријавениот се стекнал со противправна имотна корист од 162.393 денари на штета на буџетот на Република Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Малолетник нападнат на автобуска постојка на Бит Пазар
Синоќа на автобуска постојка на подрачјето на Бит Пазар, две лица физички нападнале малолетник од Скопје.
MВР информираше и за уште еден случај на напад на истото место, што се случил вчера.
„Р.Б.(54) од Скопје пријавил дека околу 19.15 часот на автобуска постојка на подрачјето на Бит Пазар бил физички нападнат од едно лице“, стои во полицискиот билтен.
Се преземаат мерки за расчистување на случаите.
Топ
Почина маж од Демир Капија кој бил најден во бессознание во река
Пред два дена во Полициската станица Гевгелија било пријавено дека дека околу 08.15 часот, на место викано „Смрдлива вода“, во реката било пронајдено машко лице во бессознание.
„Полициски службеници излегле на местото и било констатирано дека се работи за Н.С.(63) од Демир Капија“, соопшти МВР во дневниот билтен.
Лицето било пренесено во Комплексот клиники „Мајка Тереза“ во Скопје, каде што во 17.30 часот лекар констатирал смрт. По наредба на јавен обвинител, телото на починатиот било дадено на обдукција.
Црна хроника
Залутан куршум заврши на кровот на куќа во Скопје, МВР на терен
А.Б.(68) од Скопје вчера пријавил дека околу 15.00 часот во неговиот двор паднало заталкано зрно од огнено оружје и го оштетило кровот од неговата куќа.
Полициски службеници од Полициската станица Драчево го подигнале зрното за понатамошна постапка.
Се работи на расчистување на случајот.