Секторот за внатрешни работи Битола до Основното јавно обвинителство Битола поднесе кривична пријава против правно лице со седиште во с. Кравари, Битолско, и против Д. А. (38) од Битола, управител во правното лице, поради постоење основи на сомнение за сторено кривично дело казниво по член 95-в став 2 од Законот за контрола на опојните дроги и психотропните супстанци.

Имено, полициски службеници од криминалистичката полиција при СВР Битола, во содејство со Комисијата за оценување на исполнетост на условите во однос на простор, опрема за чување и складирање медицински канабис при Министерството за здравство, по претходно издадена наредба од Основниот суд Битола, извршиле претрес во правното лице во с. Кравари, при што биле констатирани низа неправилности во поглед на производство, одгледување и складирање на медицинскиот канабис. СВР Битола исто така поднесе кривична пријава и против А. Б. (51) од Република Албанија, со привремен престој во Битола, А. Ј. (26) од Битола и А. Ј. (58) од Битола, првопријавениот сопственик, а другите двајца вработени во истата фабрика за производство на масло од канабис, поради постоење основи на сомнение за сторено кривично дело неовластено производство и пуштање во промет наркотични дроги, психотропни супстанци и прекурсори“, казниво по член 215 од Кривичниот законик.

На 30.3.2023 тројцата организирале и изнеле две вреќи со 4 килограми марихуана од фабриката. Имено, А. Б. ја изнел дрогата, а А. Ј. и А. Ј. ја презеле и ја ставиле во патничко возило, но набргу биле запрени и приведени од полициски службеници. Во врска со случајот, судија на претходна постапка на А. Ј. (26) му одредил мерка притвор од 30 дена.