Црна хроника
Кривична за гевгеличанец кој со ловечка пушка ограбил продавници и казино
Надворешната канцеларија за криминалистички работи Гевгелија, до Основното јавно обвинителство во Велес, поднесе кривична пријава против 40-годишен гевгеличанец за кој има сомнение дека на 9 јануари годинава со ловечка пушка ограбил електронско казино во Гевгелија, при што одзел околу 150 илјади денари. Тој се товари дека извршил и повеќе други кражби.
Како што информираат од МВР, во раните утрински часови на 22 февруари годинава во непосредна близина на сервис кај село Мрзенци, полицајци го уапсиле пријавениот и кај него биле пронајдени пари и цигари кои потекнувале од тешка кражба која ја извршил исто така тој, во маркет во село Негорци. Кај него била пронајдена и ловечката пушка.
Истиот ден врз основа на судска наредба, полицајци извршиле претрес во станот и помошните простории во кои живеел гевгеличанецот, при што биле пронајдени предмети кои потекнуваат од други кривични дела и тоа: четири кражби од продавници и три кражби во куќи, за кои дополнително ќе бидат процесуирани кривични пријави.
Во моментов, 40-годишникот се товари дека сторил кривични дела „разбојништво“ и „недозволено изработување, држење и тргување со оружје или распрскувачки материи“.
На предлог на јавниот обвинител во Велес, од страна на судија на претходна постапка при Основен суд Гевгелија, на пријавениот му е одредена мерка притвор во траење од 30 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична против полицајци за злоупотреба на службената положба и овластувања
Одделот за внатрешна контрола, криминалистички истраги и професионални стандарди до надлежното Основно јавно обвинителство за гонење на организиран криминал и корупција – Специјализирано одделение за истражување и гонење на кривични дела сторени од лица со полициски овластувања и припадници на затворска полиција, поднесе кривична пријава против Г.М., Ќ.Р. и Г.П., поради постоење основи на сомнение дека сториле кривично дело „злоупотреба на службената положба и овластување“ по член 353 од КЗ.
Пријавените полициски службеници како службени лица со искористување на својата службена положба и овластување, со пречекорување на границите на своето службено овластување и со неизвршување на својата службена должност, во периодот од 12.09.2024 до 31.10.2024 на турскиот државјанин А.Д. му нанеле штета и потешко му ги повредиле правата на начин што противправно и неовластено му го ограничиле движењето и го задржале во Прифатниот центар за странци Гази Баба.
Турскиот државјанин А.Д. на 08.09.2024 незаконски остварил влез во РСМ, поради што на 12.09.2024 заедно со други мигранти од Ирак бил задржан во прифатен центар за странци Гази Баба. Откако лицата дале исказ пред обвинител, другите мигранти биле однесени во Транзитен центар Табановце, а турскиот државјанин бил вратен во Прифатниот центар со образложение дека треба да се спроведе прекршочна постапка заради остварен илегален влез, иако ваква прекршочна постапка не била ниту отпочната.
Пријавените полициски службеници ненавремено презеле дејствија за проверки преку Секторот за меѓународна полициска соработка, презеле дејствија за утврдување на идентитет и покрај тоа што идентитетот на странецот бил утврден врз основа на национална лична карта и презеле други непотребни процесни дејствија спротивно на Законот за странци и Законот за прекршоци, со што на турскиот државјанин му ја ограничиле слободата на движење и противправно го задржале во Прифатниот центар за странци.
Против полициските службеници Одделот ќе поднесе предлог за поведување на постапка за кршење на работниот ред и дисциплина и ќе изрече задолжителна мерка за отстранување од работно место – суспензија до завршување на дисциплинската постапка.
Црна хроника
Повредена скопјанка, врз неа паднал звучник во угостителски објект во Центар
Денеска во 00.40 часот во СВР Скопје, Е.П.(23) од Скопје пријавила дека на 26.12.2024 околу 21.45 часот во угостителски објект на подрачјето на Центар, се здобила со повреди откако врз неа паднал звучник, кој бил поставен во објектот.
Излезено е на местото на настанот од полициски службеници од СВР Скопје.
Црна хроника
Во простории на здружение во Аеродром почина жена откако и се слошило
Вчера во 13.06 часот во СВР Скопје од Итната медицинска помош било пријавено дека во службени простории на здружение, на подрачјето на општина Аеродром, на Ѓ.А.(76) од Велес и се слошило и починала.
Од страна на лекар констатирана била смрт без видливи траги на насилство.
По наредба на јавен обвинител телото на починатата било предадено на обдукција.