Црна хроника
Кривични пријави против десетмина гостиварци поради шумска сеча
Полициската станица Гостивар поднесе кривична пријава против Ф.И. (49), М.Х. (50), двајцата од село Лакавица, Гостиварско, Ф.А. (31), Ќ.А. (33), Ф.С. (25), З.С. (41), З.С. (31), О.А. (44), Е.А. (46) и Н.А. (53), сите од село Падалиште, Гостиварско, поради постоење основи на сомнение за сторени кривични дела пустошење шума и кражба на дрва, а против М.Х. и за постоење основи на сомнение за сторено кривично дело измама.
„Во периодот од 2017 година до 2.11.2018 година, во атарот на местото наречено Голема Равнина, село Падалиште, Гостиварско – ШСЕ „Железна Река“, пријавените извршиле бесправна сеча на 58.92 м3 букови дрвја. Пријавените Ф.И. и М.Х. дрвната маса ја транспортирале со товарни и патнички возила, ја обработувале во дворови складирана во вреќи, а потоа со возила ја транспортирале до купувачи за цена од 40 до 45 евра за 1 м3 огревно дрво.
Организаторите на другите пријавени лица им плаќале за извршена бесправна сеча од 20 до 23 евра за 1 м3 дрвна маса. Покрај ова, М.Х. со прикажување лажни факти дека дрвната маса е легална измамил 68-годишно лице од село Падалиште. По преземените мерки од страна на полициски службеници, од оштетениот од село Падалиште била одземена нелегално купена дрвна маса и била предадена на ШСЕ Шар Гостивар, а од извршени претреси во возила, куќи и викендичка, како и од извршена контрола на возила и терен, е затекната дрвна маса 38 м3 и била предадена на чување на ШСЕ „Шар Гостивар“. На овој начин пријавените го оштетиле јавното претпријатие ШСЕ „Шар Гостивар“ со 724.500 денари“ соопшти МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена струмичанка во сообраќајна несреќа на патот Валандово – Струмица
Денеска, околу 00.25 часот во Полициската станица Валандово било пријавено дека на регионален пат Валандово – Струмица, на место викано „Валандовско брдо“ се случила сообраќајна несреќа помеѓу патничко возило „голф“ со велешки регистарски ознаки, управувано од 31-годишниот К.Т. од Гевгелија и патничко возило „пежо“ со струмички регистарски ознаки, управувано од 30-годишната С.Д. од Струмица, соопшти МВР.
Во несреќата со тешки телесни повреди се здобила С.Д., а со телесни повреди се здобил К.Т., констатирани во Медицински центар Гевгелија, додаваат од МВР.
Увид на местото извршила екипа на Полициската станица Валандово.
Црна хроника
Тројца скопјани искасани од кучиња скитници
Тројца скопјани пријавиле каснување од куче скитник во полициските станици во текот на вчерашниот ден.
На 25.04.2024 во 19.20 часот во Полициската станица Центар, Л.Ш.(42) од Скопје пријавила дека на ул.„Вардарска“ во Скопје била касната од куче скитник.
На 25.04.2024 во 12.00 во Полициското одделение Мирковци, Р.Г.(38) од Скопје пријавил дека во близина на обиколницата Скопје, бил каснат од куче скитник.
На 25.04.2024 во 14.10 часот во Полициската станица Карпош, К.С.(46) од Скопје пријавил дека на ул.„Милан Марковиќ“ во Скопје бил каснат од куче скитник.
Црна хроника
На граничниот премин Долно Блаце уапсен маж од Косово
Вчера во 17.20 часот на Граничниот премин Долно Блаце, на влез во државата, полициски службеници го лишиле од слобода 24-годишниот В.И. од Косово, затоа што при извршена пасошка контрола и проверка во оперативна евиденција констатирано било дека евидирал со мерка „апси“ по барање на Интерпол Шведска, извести МВР.
Тој бил предаден на полициски службеници од Полициската станица Кисела Вода за понатамошна постапка.