Црна хроника
Кривичнa пријавa против двајца лихвари од Радовиш
Надворешната канцеларија за криминалистички работи – Радовиш поднесе кривична пријава против две лица од Радовиш поради постоење основи на сомнение за сторени кривични дела лихварство и изнуда.
Како што информираа од полицијата, во текот на 2017 и 2018 година првопријавениот, или 62-годишниот радовишанец Д.К., им дал заем од 500 евра на С.П. од село Ораовица и на неговата невенчана сопруга Н.П.. По тоа, тие, покрај основиот долг, во повеќе наврати му исплатиле дополнителен износ од 21.000 денари.
Во истиот тој период второпријавениот Т.Ј. на возраст од 77-години му дал заем од 50.000 денари на С.П., а тој за седум дена, покрај основниот долг, му исплатил дополнителен износ од 5.000 денари, велат од полицијата.
По ова, во јуни годинава пријавените отишле во домот на С.П. во село Ораовица и го принудиле да потпише изјава за долг од дополнителни 975 евра по што двајцата континуирано му барале исплата на наведената сума, со месечна камата од 10 проценти, велат од МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.