Црна хроника
Криминалец се качи на дрво како Тарзан за да ѝ побегне на полицијата

Полициската потера во скопско Дебар Маало се претворила во вистинска крими комедија.
Според видеата што се споделуваат на социјалните мрежи, полицијата го следела осомничениот, но тој успеал да избега и да се качи на дрво. Брзите и снаодливи, полицајците го забележале дека е на гранките, но бегалецот не бил подготвен да се предаде без борба.
Драма започнала кога полицијата повикала пожарникари и Итна помош со цел да го спасат бегалецот, предлагајќи да го фатат со душек на надувување.
Но, местото било премало ограничено за реализација на планот, па спасувачката операција претрпела одредени проблеми. Иако сè изгледало како сцена од некоја комедија, ситуацијата се решила околу 18:15 часот, кога осомничениот бил успешно симнат и приведен од страна на полицијата.
Со ова заврши полициската потера, а зад нив останала не само успешната интервенција, туку и една комична ситуација која ќе остане забележана во историјата на полицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Изгоре стан во Прилеп, поради вдишување чад две лица пренесени во болница

Вчера околу 13.00 часот во ОВР Прилеп било пријавено дека во населба „Точила“ во Прилеп настанал пожар во стан сопственост на Т.Ј., во кој престојувала неговата неговата сестра Ц.С.(51) и неговиот зет Д.П.(40), двајцата од Скопје.
Од екипа на Територијалната противпожарна единица Прилеп пожарот бил изгаснат, а поради вдишување чад Ц.С. и сосетката С.П.(73) од Прилеп биле пренесени во болницата во Прилеп за укажување лекарска помош.
Извршен бил увид од увидна екипа од ОВР Прилеп.
Црна хроника
Уапсен битолчанец, ја истепал својата сопруга

Вчера во 23.45 часот, полициски службеници од ОВР Крушево го лишиле од слобода 27-годишниот Ѓ.С. од Битола, со престој во крушевско село, постапувајќи по претходна пријава дека во семејниот дом физички ја нападнал неговата сопруга.
По документирање на случајот ќе следува соодветен поднесок.
Црна хроника
Во полиција пријавен 17-годишник од установа за згрижување деца: агресивно се однесувал, се заканувал, па искршил инвентар во службените простории

Вчера во 10.20 часот во Полициската станица Карпош, од Јавната установа за згрижување деца – Организациона единица Влае било пријавено дека нивниот штитеник 17-годишниот Р.М. го нарушил јавниот ред и мир со агресивно однесување, упатувал закани на вработено лице, оштетил дел од инвентарот во службените простории, по што се оддалечил од установата, од која и претходно се оддалечувал и бил враќан.
Се преземаат мерки за пронаоѓање на лицето.