Црна хроника
Локомотива удрила во „голф“ на железничката пруга Скопје – Тетово
На железничката пруга Скопје – Тетово, во пладневните часови на 15 април, кај патниот премин Сарај – Кондово, се случила железничка незгода во која учествувале локомотива и автомобил „голф“.
Како што информираат од МВР, локомотивата „ТМД-рабел“ била управувана од 56-годшен скопјанец, а „голфот“ од 41-годишник, исто така од Скопје.
Во незгодата повреди добил возачот на автомобилот по што бил пренесен во Градската општа болница „8 Септември“ за укажување лекарска помош.
Железничкиот сообраќај бил во прекин околу два часа, а увид на местото на незгодата извршила екипа од СВР Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведено лице од Битола барано со потерница
Денеска во 14.50 часот во Битола, полициски службеници од СВР Битола, врз основа на наредба од Основен суд Битола, го лишија од слобода С.Р.(31) од Битола, кој бил баран со потерница за издржување казна затвор од една година и шест месеци.
Лицето, како што соопшти полицијата, ќе биде спроведено во казнено поправната установа Затвор Битола.
Црна хроника
Малолетници се степале во автобус на ЈСП
Денеска во 11.30 часот во СВР Скопје, М.М.(53) од с.Стајковци, скопско, пријавил дека на 30.09.2024 околу 13.55 часот во автобус на ЈСП на подрачјето на Центар, неговиот малолетен син и двајца негови малолетни другари биле физички нападнати од други малолетници, кои употребиле и тврд предмет.
Според МВР се преземаат мерки за расчистување на случајот.
Црна хроника
Уапсен малолетник: со нож повредил друг малолетник во скопски Карпош
Вчера во 12.00 часот во Скопје, полициски службеници од Полициската станица Карпош лишиле од слобода малолетник од с.Чајлане, скопско, поради сомнение дека околу 07.30 часот на подрачјето на Карпош, по претходна расправија, со остар предмет нападнал малолетник од с.Семениште, скопско, и му нанел убодна рана.
По целосно расчистување и документирање на случајот, ќе биде поднесена соодветна пријава, соопшти полицијата.