Топ
Македонец пукаше во жена од Србија кај Прешево, па се самоуби, објави РТС
![](https://makfax.com.mk/wp-content/uploads/2024/01/srpska-policija.jpg)
Во пукање во близина на наплатната рампа во Прешево, тешко ранета е млада жена, а мажот кој пукал во неа се самоубил. Таа потоа од здравствениот дом во Врање била пренесена во Ниш и била оперирана во Ургентниот центар.
Како што објави РТС од Вишото јавно обвинителство Врање, мажот (1972) е државјанин на Северна Македонија, а жената е од Србија (1994).
Тие биле заедно во автомобилот, а по кратка расправија жената излегла од автомобилот и почнала да бега. Мажот испукал неколку куршуми кон неа, а потоа си пукал во глава.
Тешко ранетата жена била пренесена во Здравствениот дом во Врање, а потоа во придружба на Брза помош во Универзитетскиот медицински центар Ниш.
По прегледот, констатирани се повреди на душникот, вратни пршлени и инклузија на воздух во градната празнина, како и контузија на белодробното крило од левата страна.
На пациентката итно и била укажана хируршка интервенција во операционата сала на Ургентниот центар, по што е хоспитализирана на Клиниката за интензивна нега на Универзитетскиот медицински центар Ниш.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Култура
Љутков: Целата постапка на преземањето на Универзалната сала е проблематична, нарачавме ревизија
![](https://makfax.com.mk/wp-content/uploads/2024/07/ljutkov-pozar-univerzalna-2.jpg)
Целата постапка на преземањето на Универзалната сала на Министерството за култура од Град Скопје е многу проблематична, изјави министерот за култура, Зоран Љутков.
Министерот е дециден, не би ставил свој потпис на ниедна натамошна акција што ќе биде поврзана со Универзалната сала.
„Испративме допис до Државниот завод за ревизија да ја испита целата постапка од самиот почеток досега и ќе донесеме заклучоци по нивниот извештај“, рече Љутков одговарајќи на новинарски прашања за време на посетата на локалитетот Тумба Маџари.
Пожарот во Универзалната сала избувна пред три месеци во текот на градежните активности за време на нејзината реконструкција.
Македонија
Главчев: Нема промена во позицијата на Бугарија кон Северна Македонија, бараме почитување на договорите
![](https://makfax.com.mk/wp-content/uploads/2024/07/glavchev.jpg)
Позицијата на Бугарија во однос на Република Северна Македонија е непроменета – нашата земја сака да се почитуваат потпишаните договори. Ова го истакна вршителот на должноста премиер и министер за надворешни работи, Димитар Главчев, на расправата во Народното собрание за процесот на европска интеграција на Северна Македонијa
„Досега бугарската влада строго се придржува до ставот потврден со одлуката на Националното собрание од 24 јули 2022 година, со која се дефинираат условите под кои Република Бугарија може да поддржи каков било чекор од процесот на европската интеграција на Република Северна Македонија Усвојувањето и итното стапување во сила на уставните измени, со кои Бугарите ќе бидат регистрирани кај другите народи, е неизбежен предуслов за натамошен напредок во евроинтеграцискиот процес на Скопје“, рече тој, пренесе „БНР.бг“.
Според Главчев, нема притисок врз Бугарија за отстапки кон Скопје и ставот на Софија го делат и земјите членки на ЕУ, што се гледа и во годишните извештаи за напредокот на РСМ како земја кандидат:
„Шпекулативните хипотези за можно повторно отворање на преговарачката рамка одобрена од сите земји членки и од самата Северна Македонија, или непочитување на договорот за добрососедство од 2017 година, беа отфрлени од сите евро-атлантски партнери. Не само што нема притисок туку на повикот за почитување на договорите ни се придружуваат и други земји од ЕУ“, рече тој.
Економија
За 450 евра минимална плата ќе се разговара на првата седница на економско-социјалниот совет, најави министерот Дурмиши
![](https://makfax.com.mk/wp-content/uploads/2024/07/besr-durmisi2.jpeg)
Барањето на синдикалците минималната плата да биде 450 евра новиот министер за економија и труд, Бесар Дурмиши, најави дека ќе се разгледува на првата седница на економско-социјалниот совет. Министерот Дурмиши не кажа за кога е планирана првата седница, но уверува дека на дневен ред ќе бидат сите отворени прашања и од сидикатите и од работодавците.
„Во рамките на економско-социјалниот совет, со кој сега ќе претседавам јас како министер за економија и труд, кое е највисоко тело составено од претставници и од синдикатите, и од работодавците, и од Владата, ќе почнеме дијалог за сите отворени прашања и од страна на синдикатите и од страна на работодавците. Со реорганизацијата што се прави сега со новата Влада ќе се формираат нови членови и ова прашање на првиот состанок ќе биде ставено на маса за дискусија. Кака Влада од особено значење ни е социјалниот дијалог, односно вклучување на сите засегнати страни при креирање на новата мерка за ова прашање. Мора да ги имаме предвид интересите на работниците, но и интересите на бизнис-секторите“, рече министерот Дурмиши.
Тој извести дека во меѓувреме продолжува процесот за подготовка на новиот закон за работни односи и законот за безбедност при работа. Дурмиши извести дека од денес па натаму ќе се посвети преку креирање мерки да почне нов циклус за економско заживување на државата и подобрување на работничките права.
Со новата реорганизација главен фокус на Министерството за економија и труд ќе биде засилена поддршка на индустријата, креирање мерки за микро, малите и средните компании, зголемување на конкурентноста на бизнисот, внатрешниот пазар, трговијата, како и поддршката на работодавците, креирање мерки и политики за вработување, подобрување на пазарот на труд и заштита на работничките права.
Ќе продолжи финансиската поддршка за инвестициите за домашните и странските компании регулирана со Законот за финансиската поддршка, кој е во надлежност на ова Министерство.
„Планираме постапката и условите за добивање државна помош да бидат ревидирани во насока на поголем износ на поддршка за домашните компании што извезуваат и компаниите од секторите за конкурентна предност“, вели министерот Дурмиши.
Во наредниот период Дурмиши најави дека ќе поднесе барање до Државниот завод за ревизија за целосна ревизија на работењето на Министерството за економија почнувајќи од 2015 година кога последен пат е направена целосна ревизија на работењето на Министерството од страна на Државниот завод за ревизија. Целта на ревизија е и тие и јавноста да видат како се работело во време на претходната власт.