Црна хроника
МВР и УЈП при контрола во спортски обложувалници во тетовско нашле бројни неправилности, приведени две лица
На 04.11.2023 од страна на ОКП – ОЕК, ОКК при СВР Тетово, во содејство со Државен инспекторат за труд – подрачно одделение Тетово, УЈП и полициски службеници од СВР Тетово извршена е координирана контрола во пет спортски обложувалници на подрачјето на Тетово.
Во правно лице на ул. „Благоја Тоска“, сопственост и управувано од Е.Ш.(43) и И.Ш.(47), двајцата од Тетово, затекнати се двајца вработени, од кои кај Т.К.(30) од тетовско, при извршена контрола на неговиот мобилен телефон биле пронајдени онлајн платформи за игри на среќа без лиценца, односно без дозвола од надлежен орган. Мобилниот телефон е времено одземен поради основано сомнение за извршено кривично дело по член 156 од Закон за игри на среќа и забавните игри, а лицето е лишено од слобода поради основано сомнение за извршено кривично дело „Приредување на игри на среќа без лиценца односно дозвола од надлежен орган“ предвидено и казниво по член 156 од Закон за игри на среќа и забавните игри. При контрола на компјутерите во обложувалницата, било констатирано дека немаат лиценца за оперативниот систем, при што шесте компјутери се одземени поради основано сомнение за извршено кривично дело „Повреда на авторски права и сродни права“ предвидено и казниво по член 157 од Кривичниот законик.
При контрола во подружница на истото правно лице во с.Теарце, кај еден од затекнатите двајца вработени, М.М.(23) од тетовско, извршена е контрола на мобилниот телефон, при што била пронајдена онлајн платформа за игри на среќа без лиценца. Мобилниот телефон е одземен поради основано сомнение за извршено кривично дело по член 156 од Закон за игри на среќа и забавните игри, а лицето е лишено од слобода поради основано сомнение за извршено кривично дело „Приредување на игри на среќа без лиценца односно дозвола од надлежен орган“. При извршена контрола на петте компјутери, било констатирано дека немаат лиценца и тие се привремено одземени поради основано сомнение за извршено кривично дело „Повреда на авторски права и сродни права“.
При контрола во правно лице – обложувалница на ул. “Илинденска”, со овластено лице Е.П., било констатирано дека петте затекнати компјутери се без лиценца, поради што се привремено одземени поради основи на сомневање за извршено кривично дело ,,Повреда на авторско право и сродни права”. Од страна на УЈП се преземени мерки и активности од нивна надлежност и се констатирани неколку неправилности за што ќе бидат изречени соодветни глоби.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Го претепал и го избркал од дома малолетниот син: кривична пријава за кумановец
СВР Куманово поднесе кривична пријава против Ч.С.(49) од Куманово.
Според полицијата тој се сомничи за сторено кривично дело „запуштање и малтретирање на дете“.
Имено на 29.12.2025 во Куманово, пријавениот физички го нападнал неговиот малолетен син и го избркал од дома.
Црна хроника
Крадел во продавница, па ја нападнал вработената која се обидела да го спречи
Синоќа во 21:00 часот во Скопје, на подрачјето на Гази Баба, полициски службеници од ЕВР Гази Баба при СВР Скопје го лишија од слобода З.К.(37) од струшко, со привремен престој во Скопје.
Тој околу 18:00 часот во продажен објект во Скопје, откако одзел производи, физички ја нападнал вработената која се обидела да го спречи.
Полицијата соопшти дека по целосно документирање на случајот ќе следува соодветен поднесок.
Црна хроника
Разбојништво на автобуска постојка: ограбена скопјанка
Денеска (29.01.2026) во 08:30 часот во СВР Скопје, З.Р.(65) од Скопје пријави дека околу 07:10 часот на автобуска постојка на подрачјето на Центар, едно лице со употреба на физичка сила и одзело личен накит. Се преземаат мерки за расчистување на случајот.

