Црна хроника
Мотоциклист тешко повреден во сообраќајка во Пробиштип
Мотоциклист е тешко повредeн во сообраќајна несреќа во Пробиштип. Според полицијата, несреќата се случила вчера во 21:10 часот на крстосницата од улицата Јаким Стојковски и улицата Никола Карев во Пробиштип.
Во сообраќајката учествувале патничко возило „рено меган“ управувано од Љ.М.(60) од Пробиштип и мотоцикл без регистарски ознаки, управуван од К.Ј.(21) од селото Злетово, Пробиштипско.
По незгодата, возачот на мотоциклот бил пренесен во Здравствен дом „Нада Михајлова“ во Пробиштип и по укажаната лекарска помош бил препратен во Клиничка болница Штип каде што му биле констатирани тешки телесни повреди и бил задржан на лекување. Увид на местото изршила увидна екипа од Полициската станица Пробиштип.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Комбе удри пешак во Скопје, со тешки повреди е пренесен во болница
Вчера околу 14:30 часот во СВР Скопје е пријавено дека на бул.„Борис Трајковски“ во Скопје, товарно возило „фолксваген кеди“ со скопски регистарски ознаки, управувано од Д.Т.(21) од Скопје, удрило во пешакот З.С.(56) од Скопје.
Во несреќата со тешки телесни повреди се здобил пешакот, констатирани во Градската општа болница „Св.Наум Охридски“. Извршен е увид од увидна екипа од СВР Скопје.
Црна хроника
Старица паднала од автобус, па била прегазена
Вчера околу 12:40 часот во СВР Скопје е пријавено дека на ул.„Св. Кирил и Методиј“ во Скопје, автобус „мерцедес“, управуван од В.А.(56) од Скопје, ја прегазил преку нога 72-годишната А.Б. од Скопје, откако претходно паднала од автобусот.
Во несреќата со тешки телесни повреди се здобила А.Б., констатирани во Комплексот клиники „Мајка Тереза“.
Извршен е увид од увидна екипа од СВР Скопје.
Топ
Во Белград уапсен Саит Саитов, кој прегази жена во Капиштец и избега
Министерството за внатрешни работи извести дека вчера биле информирани од надлежните служви во Србија дека во Белград е лишен од слобода Саит Саитов од Скопје, кој се бара со меѓународна потерница, распишана од македонското МВР, под сомнение за извршени тешки кривични дела „против безбедноста на луѓето и имотот во сообраќајот“ и „неукажување на помош на лице повредено во сообраќајна незгода“, за кривично-правен настан кој се случи во Скопје на 09.01.2026.
На Саитов му е одреден екстрадициски притвор и следува постапка помеѓу министерствата за правда на двете држави, со цел негово екстрадирање во Македонија и изведување пред лицето на правдата и негово соодветно санкционирање.

