Црна хроника
Наставник му скршил заб на ученик во Желино
Наставник истепал ученик во основно училиште во тетовското село Желино. Според информациите од полицијата, тој го удрил детето од клупата и му скршил еден заб.
Полицијата поднесе кривична пријава против М.Б. (56) од Желино, Тетовско, поради постоење основи на сомнение за сторено кривично дело малтретирање во вршење на службата. Наставникот на 13 март на час во основното училиште во селото удрил еден ученик по задниот дел од главата, при што тој удрил во клупата и му бил скршен заб.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Дете е тешко повредено откако возејќи мопед во него удрил возач со голф
Во СВР Скопје вчера во 19:15 часот било пријавено дека на крстосницата од ул.„Алија Авдовиќ“ и ул.„9“ во Скопје се случила сообраќајна несреќа помеѓу „фолксваген голф“ со скопски регистарски ознаки, управувано од Б.Р.(52) од Скопје и мопед со скопски регистарски ознаки, управуван од малолетник од село Раштак, скопско.
Во несреќата со тешки телесни повреди се здобил возачот на мопедот, констатирани во Комплексот клиники „Мајка Тереза“ во Скопје.
За настанот бил известен јавен обвинител. Извршен бил увид од увидна екипа од СВР Скопје.
Црна хроника
71-годишен гостиварец почина возејќи велосипед, го удрил возач со комбе
Во полициската станица Гостивар вчера во 16:55 часот било пријавено дека на ул.„Браќа Ѓиноски“ во Гостивар, товарно возило „ман“ со гостиварски регистарски ознаки, управувано од И.И.(35) од Гостивар, удрило во велосипед „конект“ управуван од С.И.(71) од Гостивар.
Од здобиените повреди на местото починал возачот на велосипедот С.И., а лекар од Итна медицинска помош констатирала смрт.
Извршен бил увид од јавен обвинител и увидна екипа од ОВР Гостивар.
Црна хроника
Возел автобус со туѓа картичка за запишување во патниот сообраќај
„Полициски службеници од Мобилната единица за компезаторни мерки при Одделот за гранични работи и миграции денеска околу 05:00 часот на наплатната станица Романовце, кумановско запреле и извршиле контрола на автобус „мерцедес“ со словенечки национални ознаки, сопственост на правно лице, а управувано од Џ.Р. (42) од село Бајрамовци, дебарско, при што било утврдено дека возачот во моментот користел туѓа картичка за запишување во патниот сообраќај“, информираат од МВР.
За настанот е известен Државниот инспекторат за транспорт и врски, кој изрече глоба по член 60 став 1 од Законот за работното време на мобилните работници во патниот сообраќај и уредите за запишување во висина од 1.000 евра.