Црна хроника
На граничниот премин „Долно Блаце“ спречен шверц на голема количина лекови

На граничниот премин „Долно Блаце“ завчера бил спречен шверц на голема количина лекови која требало да се пренесе од Македонија кон Црна Гора, информираат од МВР.
Според информациите, на 17 мај на преминот „Долно Блаце“ на излез од Македонија, во возило „шаран“ со македонска национална ознака била пронајдена поголема количина лекови која требало да се пренесе од Македонија кон Црна Гора.
Околу 19.20 часот на излез од граничниот премин со возилото „шаран“ се пријавиле пет лица, при што од страна на полициски службеници возилото било селектирано за дополнителни проверки.
При проверка на возилото и личниот багаж во три куфери сопственост на А.Х.(53) од Црна Гора била пронајдено поголема количина на лекови: Efridol, Aerus, Lexilium, Diazepam, Trodon, Amoksiklav, Edemip, Xanax, Xenical, Levitra, Rovamicine, Kreon, Viagra, Regnyk, Testosteron и Kenaglog.
За лековите лицето не поседувало никаков документ, а лековите не ги пријавил во царинска контрола за излез од Македонија. З.Ј., кој го управувал возилото и А.Х. се задржани во полициска станица за понатамошна постапка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Дрвен отпад и хартиени кеси покриени со гранки пронајдени на Средно Водно: биле спремни за потпалување

Утрово во 03.26 часот во СВР Скопје е пријавено дека на 24.07.2025 околу 22.55 часот на патеката кон Средно Водно во Скопје бил забележал дрвен отпад собран на едно место, спремен за потпалување.
Полицијата соопшти дека е излезено на местото, при што биле пронајдени остатоците од дрвен отпад и хартиени кеси покриени со гранки.
Се преземаат мерки за расчистување на случајот, велат надлежните.
Црна хроника
19-годишник од Струшко бил агресивен кон полицијата: го затекнале како управува мотоцикл со невалидни документи

Утрово во 00.30 часот, полициски службеници од полициското одделение во струшкото село Велешта од слобода го лишија М.М.(19) од струшкото село Подгорци.
Тој според полицијата се однесувал агресивно кон полицијата откако при контрола го затекнале како управува моторцикл со измината важност на сообраќајните документи.
Според полицијата, по целосно документирање на случајот, против него ќе биде поднесена соодветна пријава.
Топ
55-годишен скопјанец пронајден починат во водите на Охридското Езеро

Вчера во 12.15 часот во ОВР Струга било пријавено дека во водите на Охридското езеро на струшкото крајбрежје било забележано безживотно тело на машко лице.
Од преземените мерки и извршениот увид, било констатирано дека се работи за И.Д.(55) од Скопје.
Смрт без видливи траги на насилство констатирал лекар од Итна медицинска помош, а по наредба на јавен обвинител телото на починатиот било дадено на обдукција.