Црна хроника
На Деве Баир приведени тројца турски камионџии фатени со фалсификувани зелени картони

Полицијата приведе тројца турски државјани, возачи на камиони, кои се обиделе да влезат во земјата на граничниот премин Деве Баир со фалсификувани зелени картони.
Според информациите на МВР, вчераутро полициски службеници го привеле Ф. С. (31) од Турција, кој управувал камион „рено“, со турски национални ознаки, и полуприколка „тирсан“, со турски национални ознаки, поради сомнение дека турската зелена карта е фалсификувана.
По неколку часа, бил приведен уште еден турски државјанин, Е. Д. (34), кој исто така управувал камион „рено“, со турски национални ознаки, и полуприколка „тирсан“, со турски национални ознаки, поради сомнение дека турската зелена карта е фалсификувана.
Подоцна бил приведен и У. Д. (49) од Турција, со таков камион и полуприколка „тирсан“ и исто така поради сомнение дека турската зелена карта е фалсификувана.
Лицата им се предадени на полициски службеници од Полициска станица Крива Паланка за понатамошна постапка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсен прилепчанец, возел со двојно поголема брзина од дозволената

Вчера во 15:18 часот на улицата „Карпалак“ во Прилеп, полициски службеници од ОВР Прилеп го лишија од слобода З.Т.(42) од Прилеп.
При сообраќајна контрола со радар, полициските службеници констатирале дека управувал товарно возило „фолксваген” со скопски регистарски ознаки со брзина од 121 километар на час на место каде брзината на движење е ограничена со сообраќаен знак на 50 километри на час.
По целосно документирање на случајот, против него ќе биде поднесена соодветна пријава по член 297-а од Кривичниот законик – „безобѕирно управување со моторно возило”.
Црна хроника
Уапсен бегалец од затвор, вратен е во установата

Полицијата уапси едно лице кое избегало од затворот во Струмица и го врати во установата.
Според информациите на МВР, вчера во 20:55 часот во с. Бела Црква, општина Кривогаштани, полициски службеници го лишија од слобода С.М. (31) од Штип, кој бил баран со потерница поради бегство од Затвор Струмица.
С.М. е осуден на казна затвор во времетраење од пет години. Тој е предаден на Затвор Струмица.
Топ
Уапсени двајца турски државјани во Скопје, му се заканувале на едно лице дека ќе го убијат ако не му дадат пари

Вчера во 18:40 часот на подрачјето на Центар во Скопје, полициски службеници од Единицата за насилен криминал и Единицата за интервентна полиција при СВР Скопје, во координација со јавен обвинител, ги лишија од слобода Е.О.(29) и Е.А.(22), двајцата од Република Турција.
Тие се затекнати при примање 40.000 евра од Х.Џ.Ч.(26) од Република Турција, со привремен престој во Скопје, кои претходно се кримтехнички обработени.
Имено, претходно во полициска станица Х.Џ.Ч. пријавил дека неколку дена лицето Б.О. од Република Туција, кој живеее во Обединетите Арапски Емирати, постојано му се заканувал дека ќе го убие ако не му дава пари. Според пријавеното, пред да го пријави настанот во полиција, му се јавил Е.О. и го известил дека парите треба му ги даде нему и дека на договореното место ќе дојде со уште едно лице.
Двајцата се задржани во полициска станица и по целосно документирање на случајот, против нив ќе биде поднесена соодветна пријава.