Црна хроника
На Олимп загина 57-годишен скопјанец

Македонскиот планинар кој загинал на планината Олимп во Грција по пад во провалија е 57-годишен скопјанец со иницијали М.Г. Информацијата ја потврдија и од МНР. Според нивните првични сознанија, по сведочењето на очевидци, несреќата се случила на 100 метри пред планинарскиот дом Спилиос Агапитас.
Според информациите, тој бил дел од деветчлена група од нашата земја која викендов се искачувала на грчката планина. Несреќата се случила кога на човекот му се слошило, по што паднал во провалија. Не се исклучува и можноста дека пред падот доживеал срцев удар.
Неговото тело со помош на спасувачка екипа од местото на несреќата било пренесено во најблискиот планинарски дом, а по обдукцијата, закажана за утре, ќе бидат утврдени точните здравствени причини кои довеле до падот на планинарот.
Во извлекувањето на планинарот биле ангажирани 14 пожарникари и припадници на специјалната единица за несреќи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Приведени тројца државјани на Чешка, пронајдени стари монети

Вчера при контрола на видео надзорен систем на теренот на ПС за ГН Старавина, на местото викано „Брест“ било забележано моторно возило „дачија дастер“ со странски регистерски таблички.
По извршени проверки, во 19 часот, во близина на село Подмол, полициски службеници го пронашле возилото и при извршена контрола констатирано е дека во него биле J.M.(26), Ф.К. (53) и M.H. (47), сите од Р.Чешка, а сместени во закупен стан во Прилеп.
Тие се лишени од слобода и спроведени во ОВР Прилеп.
По наредба на надлежен јавен обвинител од ОЈО Прилеп, извршен е претрес во домот каде што престојувале трите лица, при што е пронајдена метална кутија во која имало 20 стари монети.
Полицијата соопшти дека се преземаат мерки за расчистување на случајот.
Црна хроника
Шеесетгодишник силувал девојче помало од 15 години во Македонски брод

Шеесет и четиригодишниот Б.С. од Македонски Брод е во 30-дневен притвор поради силување на девојче помало од 15-години.
Грозоморниот настан, за кој информираше полицијата, се случил вчера. Се сомничи дека го бакнувал и допирал по телото малолетното девојче од овој град.
Запрепастува и тоа што истото се случувало и пред еден месец. Од МВР информираа дека истиот маж бил пријавен од страна на очевидци дека и тогаш го злоставувал девојчето. Пријавата стигнала до Центарот за социјални работи во Македонски Брод, но од нивна страна не било постапено.
Ќе следат дополнителни активности за целосно расчистување на настанот.
Црна хроника
Се степале малолетнички, па се вмешала бабата

Вчера дека на подрачјето на Шуто Оризари, бил нарушен јавниот ред и мир со физичка пресметка помеѓу две малолетнички од Скопје.
„Потоа, А.Д., баба на една од малолетничките, физички ја нападнала другата малолетничка“, велат од МВР.
Се преземаат мерки за расчистување на случајот.