Црна хроника
Неколку тепачки меѓу малолетници во Тетово
Вчера, малолетник од Тетово во присуство на негов родител во 12 часот во СВР Тетово пријавил дека околу 9 часот и 20 минути во дворот на тетовско основно училиште физички го нападнале двајца други малолетници. Тие за кусо време се идентификувани и во присуство на нивните родители извршен е разговор со нив, по што ќе им бидат изготвени соодветни поднесоци, извести СВР Тетово.
Малолетничка од Тетово, вчера во 17 часот во присуство на родител во СВР Тетово пријавила дека околу 16 часот на улица „Илинденска“ во Тетово била физички нападната од друг малолетник. Полицијата презема мерки за расчистување и документирање на случајот.
Вчера во 13 часот, малолетник од тетовско Озормиште, во присуство на негов родител, во СВР Тетово пријавил дека околу 12 часот и 40 минути во училишен двор во тетовско Шемшово, тој и двајца негови соученици од истото село биле физички нападнати од неколку други малолетници, кои ги познавале. Според пријавеното, во нападот тие користеле и дрвен предмет. Со пријавените, во присуство на нивните родители, извршен е разговор и против нив ќе следуваат законски предвидените поднесоци, соопшти СВР Тетово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
108 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
На територија на град Скопје изречени се вкупно 108 мерки, меѓу кои за возење без возачка дозвола 13 санкции, осум санкции за користење мобилен телефон при возење, пет мерки за некористење на сигурносен појас.
„Сообраќајните контроли продолжуваат и во наредните денови“, велат од МВР.
Црна хроника
Три лица повредени во сообраќајна несреќа на локалниот пат Куманово – с.Романовце
Вчера околу 15:30 часот во СВР Куманово било пријавено дека на локалниот пат Куманово – с.Романовце се случила сообраќајна несреќа помеѓу патничко возило „фиат“ со скопски регистарски ознаки, управувано од С.М.(25) од Скопје и патничко возило „опел“ со гостиварски регистарски ознаки, управувано од Г.Д. (29) од Скопје.
Во несреќата со тешки телесни повреди се здобил Г.Д., констатирани во Комплекс клиники „Мајка Тереза“ во Скопје, а со телесни повреди се здобиле С.М. и неговиот сопатник Ф.С., констатирани во Општата болница Куманово.
Увид на местото извршила увидна екипа од СВР Куманово.
Црна хроника
Скопјанец во дворот пронашол залутано зрно од огнено оружје
Вчера во 11.20 часот во СВР Скопје, Д.С.(73) од Скопје пријавил дека во дворот од семејната куќа на подрачјето на Драчево пронашол залутано зрно од огнено оружје.
Извршен бил увид од увидна екипа од СВР Скопје, а зрното било подигнато за понатамошна постапка.