Црна хроника
Обвинение за скопјанецот кој ги претепа своите родители зашто не му дале пари за роденден
![](https://makfax.com.mk/wp-content/uploads/2018/12/Tupanica-nasilstvo.jpg)
Скопското основно јавно обвинителство поднесе обвинение против 49-годишник кој се товари дека во два наврата извршил физички напад, нанесувајќи им повреди на неговите родители.
Како што информираат од обвинителството, во семејниот дом на улица Њуделхиска, на 18 март, обвинетиот со семејно насилство телесно ги повредил родителите.
Тој почнал агресивно да однесува затоа што не добил пари за неговиот роденден, започнал со клоци да удира на вратата од собата на неговите родители и насилно влегол внатре.
Најпрвин го нападнал неговиот татко, удирајќи го со тупаници по главата и кубејќи му едно перче од косата. Потоа ја нападнал и сопствената мајка, која пристапила во одбрана на сопругот, удирајќи ја со клоци во главата и во левиот колк. Од ударите двајцата родители се здобиле со повреди.
Надлежниот јавен обвинител доставил предлог за продолжување на мерката притвор за 49-годишникот, бидејќи постои опасност од бегство и можност да го повтори делото.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Вадел пари од туѓа картичка без знаење на сопственикот
![](https://makfax.com.mk/wp-content/uploads/2017/10/bankomat.jpg)
Надворешната канцеларија за криминалистички работи Пробиштип поднесе кривична пријава против З.Т.(59) од Пробиштип кој неовластено подигнал туѓи парични средства од банкомат.
Како што информираат од Министерството за внатрешни работи, З.Т. се сомничи дека сторил кривично дело оштетување и неовластено навлегување во компјутерски систем.
„На 04.05.2024 пријавениот, искористувајќи го моментот кога оштетениот од банкомат на банка во Пробиштип не успеал да подигне парични средства и не се одјавил од системот, неовластено од неговата сметка подигнал парични средства во износ од 20.000 денари“, стои во соопштението од МВР.
Црна хроника
Двајца жители на Кочани копале злато во делчевско, го оштетиле културното наследство
![](https://makfax.com.mk/wp-content/uploads/2020/05/Delcevo-1.jpg)
Надворешната канцеларија за криминалистички работи Делчево поднесе кривична пријава против двајца жители на Кочани осомничени дека во атарот на село Очипала, делчевско, без да поседуваат дозвола за археолошки истражувања, започнале со проучување и пронаоѓање на знаци, со цел идентификување на место каде можат да бидат пронајдени вредни предмети и потоа да продолжат со ископување.
– Надворешна канцеларија за криминалистички работи Делчево поднесе кривична пријава против В.К.(53) од Кочани, поради постоење основи на сомнение за сторени кривични дела „оштетување или уништување на добра под привремена заштита или културно наследство или природни реткости“ и „присвојување на добра под привремена заштита или културно наследство или природни реткости“ и М.И.(59) од Кочани, поради постоење основи на сомнение за сторено кривично дело „оштетување или уништување на добра под привремена заштита или културно наследство или природни реткости“, стои во соопштението од МВР.
Како што информираат од Министерството за внатрешни работи, пријавените биле запрени од полициски службеници, а при преглед во возилото била пронајдена и одземена опрема и алат наменети за археолошки истражувања и ископ, кај второпријавениот биле пронајдени осум сребрени монети, а кај првопријавениот уште четири стари монети и два стари прстени.
– Со извештај од Управа за заштита на културното наследство, било констатирано дека четирите монети и двата прстени одземени од првопријавениот, претставуваат добро под привремена заштита, дополнуваат оттаму.
Црна хроника
Скопјанка ограбена, крадецот и украл златно ланче па се качил во автобус на Партизанска
![](https://makfax.com.mk/wp-content/uploads/2018/05/jsp.jpg)
Основното јавно обвинителство Скопје поведе постапка против 31-годишен скопјанец за кого постои основано сомнение дека сторил кривично дело- Тешка кражба согласно 236 став 1 точка 3 од Кривичниот законик.
На 24 јуни, на улицата “Разловечко востание” во Скопје, во близина на супермаркет, осомничениот се доближил позади грб на една оштетена, ја фатил за левото рамо, а со другата рака и го скинал златното ланче со приврзок од вратот и го украл, стекнувајќи се со противправна корист од околу 30.000 денари. Со трчање избегал кон автобуска постојка на булеварот “Партизански одреди” и се качил во автобус.
Полициски службеници го лишиле од слобода 15 минути подоцна, на автобуската станица кај Симпо, при што кај него го пронашле украденото ланче.
Јавниот обвинител до Основниот кривичен суд Скопје достави предлог за определување мерка притвор за осомничениот, кој може да се даде во бегство или да го повтори делото.