Човекот кој падна во голема дупка што се отвори на пат во главниот град на Јужна Кореја, Сеул, е пронајден мртов, соопшти локалната противпожарна служба.

Човекот возел мотоцикл во областа Гангдонг кога патот се урнал околу 18:30 часот по локално време (9:30 часот по средноевропско време).

Спасувачите го пронашле неговото тело под земја во вторникот наутро околу 11 часот по локално време, на приближно 50 метри од местото каде што паднал.

Rescue efforts continued Tuesday to locate a motorcyclist who fell into a massive sinkhole in Seoul’s Gangdong-gu district, more than 12 hours after the incident, authorities said.https://t.co/9QfY8etBXN pic.twitter.com/Uf3J7RD5Ng

— The Korea Herald 코리아헤럴드 (@TheKoreaHerald) March 25, 2025

Во несреќата е повреден и возач на автомобил, а снимката од несреќата брзо почнала да се шири на социјалните мрежи во Јужна Кореја.

Широко споделено видео од камерата за надзор го покажува моментот кога пат се урна во близина на прометна раскрсница. На видеото се гледа како мотоциклист паѓа во дупка, додека автомобилот пред него за влакно избегнува да пропадне.

Во вторникот наутро, спасувачите пронашле мобилен телефон и мотоцикл во дупка широка 20 метри и длабока 20 метри, јавуваат локалните медиуми.

Украинскиот претседател Володимир Зеленски откри дека чува слики над својот кревет на кои, меѓу другото, се гледа како Кремљ гори.

Магазинот Тајм, кој го посети украинскиот претседател во неговата канцеларија, опишува три слики во масло кои стојат над креветот.

Volodymyr Zelensky's favorite painting in his office shows the Kremlin engulfed in flames. “Each one’s about victory. That’s where I live” https://t.co/AgZtLQnlda pic.twitter.com/Yb5zDV46js

— TIME (@TIME) March 24, 2025

Едната покажува руски воен брод како тоне во Црното Море, другата прикажува украински војници кои се борат на руска територија, додека третата – која Зеленски ја опиша како негова омилена – покажува како Кремљ е зафатен од пожар.

„Секоја од нив зборува за победа“, рече претседателот.

„Јас живеам овде“, кратко додаде тој.

Разговорите меѓу делегацијата на САД и руската и украинската делегација поминаа добро и наскоро се очекува позитивно соопштение, објави вчера вечер Ројтерс, повикувајќи се на извор од Белата куќа.

„Разговорите во Ријад поминаа исклучително добро. Сите вклучени страни во разговорите работеа цел ден и до вечер. Очекуваме да имаме соопштение во блиска иднина“, Ројтерс цитираше неименуван извор.

Делегациите на Руската Федерација и на Соединетите Држави ги завршија разговорите во Саудиска Арабија претходно вчера, кои траеја повеќе од 12 часа.

Како што претходно јави ТАСС, руската и американската делегација по средбата се договорија за текстот на заедничката изјава, која треба да биде дистрибуирана во вторник.

Претходно, во неделата во Ријад се одржа средба меѓу американската и украинската делегација. Министерот за одбрана Рустем Умеров по средбата изјави дека таа била „конструктивна и суштинска“.

Умеров, кој ја предводеше украинската делегација, рече дека се разговарало за клучните прашања, особено во енергетскиот сектор.

Во меѓувреме, се огласи и украинскиот претседател Володимир Зеленски, кој изјави дека сите оние кои сакаат стабилност во меѓународните односи треба да се движат кон вистински мир и загарантирана безбедност.

„Русија останува единствениот актер кој ја одолговлекува оваа војна, исмејувајќи се и со нашиот народ и со светската заедница. За да ја турнеме Русија кон мир, ни требаат силни потези и силни акции“, рече Зеленски.

Како што наведе, Украина е подготвена да поддржи секоја силна иницијатива што може да ја направи дипломатијата поефикасна.

„Ова значи дека вршиме притисок врз Русија да сака да стави крај на оваа војна. Ова значи санкции. Ова значи поддршка за Украина. Ова значи меѓународна координација“, рече украинскиот претседател.

Зеленски додаде дека оваа недела се подготвува значителна работа со европските партнери на конкретни чекори во однос на безбедноста.