Црна хроника
Огромен пожар кај Катланово

Голем пожар избувна попладнево во близина на Катланово, во скопската општина Петровец. Покрај патот се издигаат пламени јазици и воздухот мириса на чад. Гори сува трева уште од 18 часот.
Граѓани на социјалните мрежи коментираат дека денеска цел ден гореле ниви на потегот од Скопје до Катланово, на над 20 места. Претпоставуваат дека некој од помалите пожари, предизвикани од палење на сувата трева на нивите, излегол од контрола, при што предизвикал огнена стигија која се уште не е сопрена.
Противпожарната единицана Град Скопје и изутринава интервенираше на гаснење на пожар на патот Петровец – Скопје, каде беше запалена трева. Пожарот беше гаснет од 10,43 до 11,40 часот со едно воз и двајца пожарникари. Зафатени биле 150 метри квадратни, а првичната штета се проценува на 9 000денари.
Пожари во текот на денот имаше на уште неколку локации во Скопско – гореше мешана шума во селото Горно Свиларе, а огнот беше гаснет од 12,25 до 14,30 часот.
Пожар имаше и кај Марков манастир кон селото Цветово, на кој било интервенирано од 13,05 до 14,45 часот. Трева и грмушки гореа и кај селото Семениште од 13,35 до 15,30 часот, додека
мешана шума се запали пред Карпалак, по што пожарникарите интервенираа од 14,40 до 16,20 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Србин најден починат на паркинг во Гази Баба

Синоќа во 22.00 часот во Полициската станица Гази Баба било пријавено дека околу 20.30 часот на паркинг простор на подрачјето на Гази Баба бил пронајден починат З.Ѓ.(51) од Република Србија, кој претходно застанал поради дефект на товарното возило со српски национални ознаки, кое го управувал.
Лекар од Итната медицинска помош констатирал смрт, а по наредба на јавен обвинител телото на починатиот било дадено на обдукција.
Топ
Родител пријавил наставничка дека натепала повеќе ученички во соблекувална во скопско училиште

Родител пријавил во МВР напад извршен од страна наставничка во скопско основно училиште.
Според пријавата, таа во текот на вчерашниот ден, во соблекувална во училиштето кое се наоѓа на Бит Пазар, за време на час по физичко воспитување, ја нападнала неговата ќерка и неколку нејзини соученички.
Меѓудругото, во пријавата се наведува и дека наставничката зад која стојат иницијалите Е.Ј. употребила и дрвен предмет.
Од полицијата преземаат мерки за расчистување на случајот.
Црна хроника
Наставничка во основно училиште во Скопје нападната од родителите на нејзината ученичка

Наставничка од основно училиште во Шуто Оризари пријавила дека во текот на вчерашниот ден била нападната од страна на родителите на нејзина ученичка.
МВР во полицискиот билтен, за случајот, информира дека 48-годишната наставничка била нападната од родителите во училницата во која држела час, а подоцна и во канцеларијата на педагогот.
Од полицијата велат дека се преземаат мерки за расчистување на случајот.