Црна хроника
Одгледувале канабис за медицински цели, но ги кршеле законите: кривична пријава против три физички и едно правно лице
Eдиницата за економски и компјутерски криминал при СВР Скопје поднесе кривична пријава против Б. И. (42) од Тетово, М. Б. С. од Канада и Д. К. од Албанија поради постеоње основано сомнение дека сториле кривично дело по чл. 95-в ст. 2 и против правно лице од Скопје по чл. 95-в ст. 1 од Законот за контрола на опојните дроги и психотропните прекурсори.
При извршена контрола во правното лице на 19.7.2023 од страна на полициски службеници од МВР и овластени лица од Министерство за здравство – Комисија за оценување на исполнување на условите за простор, опрема и кадар за добивање одобрение за одгледување канабис за медицински цели, со локација на просторот и површината за одгледување канабис во с. Корешница, Демир Капија, било утврдено дека пријавените во сеф-собата во објектот за чување опојни дроги пријавената количина на обработен сув цвет од канабис не ја спакувале во картонски кутии и не ја запечатиле со заштитни ленти, туку ја спакувале во најлонски и алуминиумски кеси, што е спротивно на чл. 29-ѓ од наведениот закон.
Тие исто така до Министерството за здравство не доставиле известувања за настанати промени, што е спротивно на чл. 29-г од законот, како ни за бројот на собрани стебла и сува маса по завршената берба на канабисот, што е спротивно на чл. 29-д од Законот за контрола на опојните дроги и психотропните прекурсори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.