Црна хроника
Оружје и муниција откриени во куќа во Гостиварско

Разно оружје и муниција биле откриени во куќа во село Чајле, Гостивар. Сопственикот на куќата е приведен.
Според информациите од МВР, полицијата вчера во 6.45 часот извршила претрес во домот и помошните простории на 42-годишниот Р.М. во гостиварското село Чајле. При претресот пронајден бил пиштол „глок“ во калибар 9 милиметри, што го поседувал со дозвола, ловечки карабин „хајнел“ во калибар 30-06 со дозвола на друго име и 136 куршуми од разни калибри.
Непосредно пред тоа, во дворот од соседната куќа пронајдени биле два пиштола „ЦЗ“ во калибар 6,35 милиметри, револвер „смит и весон“ во калибар 45 милиметри, нож со футрола, 5 куршуми и батериска лампа со полнач, а кои непознато лице ги фрлило од прозорец од куќата на Р.М. додека тој бил приведуван од полициските службеници.
Се работи на целосно расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.