Црна хроника
Повредени четири лица во тешка сообраќајна несреќа помеѓу автомобил и мотор во Скопје
Четири лица завршија во болница со повреди, од кои две се потешко повредени во сообраќајна несреќа што се случи вчера на улицата Перо Наков.
Во несреќата учествувале мотоцикл „кавасаки“, со скопски регистарски ознаки, управуван од И. Д. (32) од Скопје, и патничко возило „ауди А3“, со скопски регистарски ознаки, управувано од Д. П. (32) од Куманово. Во незгодата мотоциклистот и сопатникот В. С. (31) од Скопје добиле тешки телесни повреди, констатирани во комплексот клиники „Мајка Тереза“. Телесни повреди добиле Д. П. и сопатничката од истото возило – Н. П. (33) од Скопје, констатирани во Градската општа болница „Св. Наум Охридски“, соопшти МВР.
Извршен бил увид на местото на незгодата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична пријава за директорка на училиште во Делчево, без да спроведе транспарентна постапка извршила набавка
Надворешна канцеларија за криминалистички работи Делчево поднесе кривична пријава против Д.Ц. (52) од Делчево, директорка на средно училиште, поради постоење сомневање за сторено кривично дело „несовесно работење во службата“.
Таа, без да спроведе транспарентна постапка за набавка на стоки и услуги, извршила набавка од повеќе правни лица во вкупна вредност од 905.482 денари, а со Законот за јавни набавки е предвидено дека износот на извршени набавки без спроведена јавна набавка во текот на годината не смее да го надмине износот од 12.000 евра во денарска противвредност.
Црна хроника
Жена нападната од својот сопруг во семејниот дом
Вчера во 18:35 часот во СВР Скопје, 30-годишна жена пријавила дека во семејниот дом на подрачјето на Бит Пазар била физички нападната од нејзиниот сопруг О.Ѓ.(38) од Скопје.
Се преземаат мерки за расчистување на случајот.
Црна хроника
Обид за убиство во гостиварско
СВР Тетово поднесе кривична пријава против К.З.(63) од с.Церово, гостиварско, поради постоење основи на сомнение за сторени кривични дела „убиство во обид“, „предизвикување на општа опасност“ и „неовластено изработување, држење, посредување и тргување со оружје или распрскувачки материи“ и против Х.А.(38) од с.Церово, поради постоење основи на сомнение за сторено кривично дело „насилство“.
На 04.05.2024, по претходна расправија помеѓу пријавените, првопријавениот испукал три куршуми од автоматска пушка, по што бил физички нападнат од второпријавениот.