Црна хроника
Повреден планинар е спасен на падините на Шар Планина
Повреден планинар денеска бил спасен од падините на Шар Планина. Спасувачки тим со специјално возило за длабок снег „ратрак“ го презел од местото каде што се наоѓал и го спуштил до скијачкиот центар каде што му е укажана медицинска помош, соопшти Центарот за управување со кризи.
Околу 14:00 на единствениот повикувачки број за итни случаи 112, е добиен повик за повреден планинар во повисоките делови на Шар Планина кај превојот меѓу Титов Врв и Бакардан.
Планинарот се повредил кога се симнувал со својот другар по источната страна кон месноста „Мал Турчин“. Двајцата биле последни од групата со која што оделе. Заостанале малку и најверојатно, брзајќи за да ги стигнат колегите, едниот од нив се лизнал и опасно ја повредил ногата.
Местото на настанот е високо во планината, до каде треба повеќе од три, четири или повеќе часови да се стигне, под услов веднаш да тргне специјализиран спасувачки тим, што се во ниските делови од пределот. Но, во конкретниот случај соработката и меѓусебната координација на институциите, службите и приватните фирми овозможи да се пронајде многу брзо решение и на помош бил употребен „ратрак“ на приватната фирма „Ескимо Фрирајд“, коишто во тој предел биле на прошетка со туристи.
Тимот на „Ескимо Фрирајд“, и самиот составен од пасионирани планинари, иако во моментот превезувал туристи, несебично веднаш тргнал нагоре кон повредениот кого неговиот другар веќе почнал пополека да го спушта, свесен дека како што ќе одминува денот“, така се постудено ќе станува и се полизгаво, наведуваат од ЦУК.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Четворица искасани од кучиња скитници во Скопје
Четири лица пријавиле каснување од куче скитник во полициските станици во Скопје.
На 21.05.2024 во 12.00 часот во Полициската станица Чаир, В.П.(46) од Радишани, скопско, пријавила дека на ул.„48“ во Радишани била касната од куче скитник.
На 21.05.2024 во 18.40 часот во СВР Скопје, К.Т.(62) од Скопје пријавил дека на паркингот на Универзитет Св.„Кирил и Методиј“ бил каснат од куче скитник.
На 21.05.2024 во 20.20 часот во Полициската станица Ѓорче Петров, К.К.(75) од Скопје пријавил дека на ул.„Новопроектирана“ во Скопје бил каснат од куче скитник.
На 21.05.2024 околу 19.30 часот во Полициската станица Шуто Оризари, Б.С.(35) од Скопје пријавила дека на ул.„Брсјачка буна“ во Скопје, нејзиниот малолетен син бил каснат од куче скитник.
Црна хроника
Уапсен Ирец, нелегално влегол во Македонија
Вчера, околу 18.30 часот, на регионалниот пат Дојран – Валандово, на местото наречено Раскрсница за село Николиќ, полициски службеници од Полициската станица за граничен надзор и гранични проверки Стар Дојран го лишиле од слобода 36-годишниот Ф. Ф. Ј. од Ирска затоа што при извршени проверки било констатирано дека илегално ја поминал границата од Република Грција во Република Северна Македонија, извести МВР.
Тој бил предаден на полициски службеници за понатамошна постапка.
Црна хроника
Прегазена велешанка, со тешки повреди пренесена во болница
Вчера околу 17.05 часот во СВР Велес било пријавено дека на улицата „Димитар Влахов“ во Велес, патничко возило „фолксваген кеди“ со велешки регистарски ознаки, управувано од 47-годишниот Е.К. од Горно Оризари, велешко, удрило во пешакот, 75-годишната М.Е. од Велес, извести МВР.
„Во несреќата М.Е. се здобила со тешки телесни повреди, констатирани во Општата болница Велес“, соопшти МВР.
Извршен бил увид од увидна екипа на СВР Велес.