Топ
Под истрага тројца браќа за пукањето кон полицаецот во Велес, им помагало и дете

Отворена е истражна постапка против тројца браќа поради пукањето кон полициски службеник што се случи вчера во близина на градските гробишта во Велес.
Станува збор за лица на возраст од 43, 29 и 22 години, од кои едниот се сомничи за убиство во обид, а другите за помагање. Од Обвинителството информираат дека со осомничените било и дете, кое ја држело полициската службеничка да остане настрана и ја оневозможило да му помогне на својот колега.
Полицискиот службеник во СВР Велес заедно со своја колешка во цивилна облека вршеле работни задачи поради зачестената појава на крадење чанти и паричници од лица што ги посетуваат гробиштата на своите блиски.
„На критичниот ден оштетените биле забележани од тројцата пријавени, со кои било и едно дете. Тројцата пријавени се доближиле до оштетените, а едниот од нив физички го нападнал полицискиот службеник. Потоа му се придружиле и неговите двајца браќа. Во еден момент тие го турнале полицаецот на земјата, па еден од нив се борел со него, а другите двајца ѝ задале неколку удари на неговата колешка. Детето ја задржувало оштетената да остане настрана и ја оневозможило да му помогне на колегата“, информираат од Обвинителството.
Еден од осомничените му го одзел на полицаецот службениот пиштол и додека тој бил паднат на грбот, од пиштолот испукал три куршуми кон него нанесувајќи му прострелни рани во пределот на стомакот и ногата.
„При испукувањето од пиштолот настанал застој, па полицаецот искористил момент да стане и да се оддалечи од местото на настанот. Осомничениот со пиштолот почнал да го брка и да трча по него, успеал повторно да го оспособи и репетира пиштолот и повторно испукал еден куршум во правец кон полицаецот“, додаваат од Обвинителството.
До судија на претходна постапка при Основниот суд во Велес е поднесен предлог за определување мерка притвор за осомничените лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Маж ја тепал бремената сопруга: јa притискал за вратот и ја удирал главата од креветот

Јавен обвинител од Основното јавно обвинителство Скопје поведе постапка против државјанин на Република Хрватска, кој е осомничен за кривично дело – Телесна повреда од член 130 став 2 во врска со став 1 од Кривичниот законик.
При вршење семејно насилство во домот во Скопје тој телесно ја повредил неговата сопруга. Најпрво почнал да и се обраќа на висок тон, а потоа физички ја нападнал удирајќи ја со тупаници и шлаканици по главата и телото. Потоа продолжил силно да ја притиска за вратот, иако знаел дека е во петтиот месец од бременост. Во еден момент ја зграбил и насилно ја фрлил во креветот, по што и ја удирал главата од ивицата на креветот. Престанал кога оштетената започнала да крвари, по што жртвата успеала да се засолни во тоалетот и да повика полиција и брза помош.
Осомничениот слушнал дека повикува помош, по што го напуштил станот. Кај оштетената била констатирани бројни повреди на главата, но и на плацентата во која е сместен плодот.
Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот.
Македонија
Тројца повредни во пожарот во дискотеката „Пулс“ сè уште се во болница: еден во Истанбул, двајца во „Систина“

Тројца повредени во пожарот во дискотеката „Пулс“, при што загинаа 62 лица, веќе шести месец се на болничко лекување. Директорот на Фондот за здравствено осигурување, Сашо Клековски, рече дека еден од нив е во Истанбул, а двајца се во скопската болница „Аџибадем Систина“.
„Ме радува да спомнам дека за неколку дена бројот на повредени што се хоспитализирани се намали на тројца. Двајца пациенти се пуштени на домашно лекување, еден пациент од Истанбул се врати на 27 август и тој е на домашно лекување и еден пациент од Клиниката за пластична хирургија исто така е пуштен на домашно лекување. Во моментот на лекување во болнички услови останува еден повреден во Истанбул и двајца повредени во ‘Аџибадем Систина’. За жал, двајца сè уште се во тешка, но не критична состојба. Се надевам дека и таму борбата ќе биде успешна и ќе излезат закрепнати“, рече директорот Клековски денес при посетата на болницата во Кочани.
Освен тројцата, кои се на болничко лекување, двајца пациенти сè уште имаат потреба од повремени интервенции оти имаат отворени рани и тие се третираат во Кочани, а Фондот ги покрива контролите за шестмина повредени во болницата „Пирогов“ во Софија, Бугарија, настрана од физикалните терапии, кои редовно се вршат во кочанската болница.
Клековски извести дека пластичен хирург од Белгија направил процена на повредите кај пациентите со изгореници на лицето, вратот и на дланките.
„Имавме чест, дојде познат пластичен хирург од Белгија, кој правеше процена на повредените со изгореници на лицето, на вратот и на дланките. Тоа се осумнаесеттемина повредени со најсензитивни повреди за кои ќе треба подолготраен третман понатаму. Ние сме тука, ќе ја продолжиме поддршката и ќе направиме сè што е потребно повредените да излезат живи, здрави и убави“, рече директорот Клековски и уште еднаш потенцира дека закрепнувањето на повредените е борба на долги патеки.
Директорката на кочанската болница, Катерина Паниќ-Мирчовска, рече дека сè уште е рано за естетски зафати кај повредените, но доколку се неопходни зафати на функционалните делови, како што прстите и вратот, можни се корекции доколку има такви предлози. Паниќ-Мирчовска вели дека силиконските маски направени со 3Д-скениранње и печатење веќе се изработени и во наредниот период ќе ги добијат повредените со лузни на лицето и вратот, а за шест месеци повторно ќе прават набавка на нова компресивна облека.
Топ
Полово вознемирувал малолетно девојче: уапсен 75-годишен маж од Тетовско

Вчера во 17:00 часот во СВР Тетово е лишен од слобода З.Б.(75) од тетовско.
Тој се сомничи за сторено кривично дело „полово вознемирување“, а по претходна пријава од 11.08.2025 од страна на 42-годишна жена од тетовско дека З.Б. полово ја вознемирувал нејзината малолетна ќерка.
Од страна на полициски службеници од СВР Тетово по добиена судска наредба, бил извршен претрес во дом и помошни простории на З.Б., при што биле пронајдени и одземени мобилен телефон, лап топ компјутер, ресивер и други предмети.
По целосно расчистување и документирање на случајот, ќе биде поднесен соодветен поднесок.