Црна хроника
Полицајци нападнати од дрвокрадци во селото Долно Количани

Полицајци биле нападнати и повредени од дрвокрадци во скопското село Долно Количани. Како што информира полицијата, вчера околу 17.35 часот во селото Долно Количани полициски службеници од Полициската станица Драчево при преземање службени дејства со цел да запрат две товарни моторни возила натоварени со дрва биле физички нападнати од повеќе лица жители на селото.
„Во тој момент бидејќи им била загрозена сигурноста, полициските службеници испукале по еден предупредувачки истрел во воздухот и успеале да се оттргнат од насобраната толпа. Полициските службеници со возило на итната медицинска помош биле пренесени во Градската општа болница ‘Свети Наум Охридски’, каде што им била укажана лекарска помош и од страна на лекар констатирани им биле телесни повреди. Се преземаат мерки за целосно расчистување на случајот“, соопшти МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
На Табановце уапсени двајца странски државјани, кај нив биле пронајдени бела прашкаста материја и таблети

Вчера околу 19:00 часот на Граничен премин Табановце, на влез во државата, полициски службеници ги лишиле од слобода 32-годишниот О.Ј. од Унгарија и 37-годишниот А.Б. од Србија.
При гранична проверка и контрола во возилото „тојота“ со унгарска национална ознака, кое го управувал О.Ј, а сопатници биле А.Б. и уште едно лице од Унгарија, во личниот багаж на О.Ј. биле пронајдени и одземени неколку пакувања со бела прашкаста материја, едно шише со бела прашкаста материја и една кутија со 31 капсули. Додека, во личниот багаж на сопатникот А.Б. биле пронајдени неколку пакувања со бела прашкаста материја и таблети.
Тие биле задржани во полициска станица и по целосно документирање на случајот, против нив ќе бидат поднесени сооддветни пријави.
Црна хроника
Овозможил влез на патник со мерка „апси“: кривична пријава за полицаец од скопскиот аеродром

Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство за гонење на организиран криминал и корупција – Специјализирано одделение за гонење на кривични дела сторени од лица со полициски овластувања и припадници на затворска полиција поднесе кривична пријава против С.С. поради основи на сомнение за сторено кривично дело ,,несовесно работење во службата“ по член 353-в од Кривичниот законик.
Пријавениот, на работно место „полицаец“ во ПС за ГП „Меѓународен аеродром Скопје“, на 12.08.2025 несовесно постапил при вршење на своите овластувања и должности односно не извршил пасошка контрола на патник кој минувал на СТОП листата на МВР со мерка „апси“ при влез во државата. Со ваквото дејствие полицискиот службеник му овозможил на патникот да оствари влез преку државната граница, го ставил во поволна состојба, му овозможил лична корист и нанел штета на угледот на Министерството за внатрешни работи.
Црна хроника
Полицаец претепан од осуденик во затворот „Идризово“

Вчера околу 11:00 часот во СВР Скопје, од Казнено поправната установа Идризово било пријавено дека во установата, затворски полицаец бил физички нападнат од осуденикот К.А.(33) од Скопје.
Полицијата соопшти дека се преземаат мерки за расчистување на случајот.