Црна хроника
Почина академик Ѓорѓи Филиповски
На 100-годиншна возраст почина академик Ѓорѓи Филиповски. Тој беше еден од основачите на Македонската академија на науките и уметностите (МАНУ). Утре во 11 часот во МАНУ ќе биде одржана комеморација, а погребот ќе биде во 13 часот.
Академик Филиповски заедно со академиците Блаже Конески и Харалампие Поленаковиќ беа тројцата членови на првата Комисија задолжена за формирање на МАНУ – институција која е основана на 23 февруари 1967 година, кога прв претседател беше Конески.
Филиповски е основоположник на современите педолошки истражувања во земјава, а неговите најзначајни активности од научната дејност се во насока на почетоците на формирањето на првите високообразовни институции како Универзитетот „Св. Кирил и Методиј“, Земјоделско – шумарскиот факултет и МАНУ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.