Топ
Почина жената што пред еден месец беше застрелана од тетовец на патарината во Прешево
Почина триесетгодишната В.Ј. од Србија, којашто пред точно еден месец беше застрелана од страна на маж од Тетово на патарината во Прешево.
Жената и покрај напорите на лекарите во болницата во Ниш, вчера им подлегнала на повредите, објави српската новинска агенција „Танјуг“.
Како што претходно пишуваше „Макфакс“, таа на 8 март беше со пиштол застрелана неколкупти од македонски државјанин од Тетово, по што тој се самоуби пукајќи си во главата.
Тие биле заедно во автомобилот, а по кратка расправија девојката излегла од автомобилот и почнала да бега, кога мажот и се приближил и почнал да пука.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Пендаровски и’ посака успех на Силјановска-Давкова
Досегашниот претседател Стево Пендаровски ѝ честита на претседателката Гордана Силјановска Давкова за победата на претседателските избори и ѝ посака успех во извршување на функцијата.
По официјалната церемонија на примопредавање на функцијата Претседател, двајцата остварија тет-а-тет средба.
Пендаровски и Силјановска го поздравија спроведениот изборен процес посочувајќи дека изборите беа израз на волјата на македонската јавност и ја демонстрираа демократската зрелост на нашата држава.
Македонија
Грчкото МНР реагира на заклетвата на Силјановска: „Европскиот курс зависи од употребата на уставното име“
Грчкото Министерство за надворешни работи упати реакција по денешна заклетва во Собранието на новоизбраната претседателка на државата, Гордана Силјановска-Давкова.
Од грчкото МНР велат дека и покрај тоа што во официјалниот текст на заклетвата што и’ беше диктирана, земјата се нарекува „Северна Македонија“, новата претседателка одлучи да ја нарече својата земја „Македонија“.
Со овој чин, велат од Министерството, грубо се крши Договорот од Преспа како и Уставот на соседната земја, кој е усогласен со нејзините меѓународни обврски.
„Грчката влада, и покрај приговорите што ги искажа како противење при ратификацијата на договорот, го почитуваше како ратификуван меѓународен договор кој има предност над која било друга законска одредба. Грција, во овој контекст, категорично наведува дека натамошниот напредок во нејзините билатерални односи со Северна Македонија, како и европскиот курс зависат од целосното спроведување на Договорот од Преспа и пред се од употребата на уставното име на земјата“, се вели во реакцијата.
За време на давањето заклетва, грчката амбасадорка во земјава ја напушти пленарната сала во знак на протест, а грчкиот весник „Катимерини“ напиша дека тоа било под директива на грчкото Министерство за надворешни работи.
Топ
Две тинејџерки во Скопје тепале соученичка, а уште две снимале – таткото на нападнaтото девојче има видео
Насилство во близина на средно училиште во Центар. Две тинејџерки тепале соученичка, а уште две снимале со мобилен телефон.
Ова се случувало во октомври, но деновиве до видео материјалот дошол таткото на нападнатото девојче, кој случајот го пријавил во МВР.
Од полицијата велат дека се преземаат мерки за расчистување, а засега нема информации за возраста на средношколките.
МВР во денешната хроника информираше за уште еден сличен случај на врсничко насилство што се одвивал пред два дена на подрачјето на општина Аеродром, а во близина на основно училиште. Според информациите од полицијата, малолетник бил физички нападнат од друг малолетник, соученик во училиштето. Полицијата го расчистува и овој случај.