Црна хроника
По завршување на свадба, масовна тепачка избила пред скопска кафеана

Масовна тепачка во која учествувале 13 скопјани избила на 16 август по полноќ, по завршување на свадбена прослава.
Како што информираат од МВР, тепачката се случила пред кафеана на булеварот „Борис Трајковски“, а во неа учествувале две групи.
Во едната биле седум лица на возраст од 53 до 17 години, а во другата шестмина на возраст од 75 до 24 години.
Од скопската полиција информираат дека во врска со инцидентот сочинети се записници за констатиран прекршок според Законот за прекршоците против јавниот ред и мир.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Возило на АРМ исчезна од автосервис во Гази Баба

Возило во сопственост на АРМ, оставено на сервисирање во Гази Баба било украдено во текот на ноќта.
Случајот во МВР го пријавил сопственикот на автосервисот.
Се работи за товарно возило „ивеко дејли–фургон“, сопственост на македонската Армија. Украдени биле и регистарски таблички од патничко возило „мазда“ кое било оставено на сервис.
Од МВР велат дека се преземаат мерки за расчистување на случајот.
Црна хроника
14-годишно девојче нападнато од врснички во Аеродром

К.П.(41) од Скопје пријавила дека на 26 април во 20.00 часот на подрачјето на општина Аеродром, нејзината 14-годишна ќерка била физички нападната од две малолетнички, кои ги познавала.
Се преземаат мерки за расчистување на случајот.
Црна хроника
Скопјанец нападнат од сопругата во Аеродром, случајот пријавен во МВР

Тритесет и петгодишен маж од Скопје пријавил дека во саботата во семејниот дом на подрачјето на општина Аеродром, бил физички нападнат од неговата сопруга М.М.П.(36) од Скопје.
Се преземаат мерки за расчистување на случајот, велат од МВР.