Ноќеска во 01.10 часот, полициски службеници од СВР Охрид го лишија од слобода 24-годишниот М.Р. од Охрид затоа што претходно физички го нападнал 26-годишниот М.Р. од Охрид. По документирање на случајот, против напаѓачот ќе биде поднесена соодветна пријава.

Вчера во СВР Охрид е пријавено дека во 23.40 часот пред угостителски објект на улица „Јане Сандански“ во Охрид е нарушен јавниот ред и мир со физички напад извршен од И.М. врз М.Р.(24), двајцата од Охрид.

По документирање на случајот, против напаѓачот ќе биде поднесена соодветна пријава.

Вчера во 11.30 часот во СВР Охрид е пријавено дека во автобус кој превезувал група туристи од Република Турција кон туристичкиот комплекс „Св.Наум“, починал турскиот државјанин И.Х.(64).

Смрт без траги на насилство констатирал лекар од Итна медицинска помош, а увид на местото изврши екипа од СВР Охрид.

По насоки на јавен обвинител, телото на починатиот е предадено на погребално претпријатие.

Синоќа во 21.35 часот во Струмица, полициски службеници од СВР Струмица го лишија од слобода З.Р.(53) од Струмица.

При претрес во неговиот дом, извршен со судска наредба, пронајдени се и одземени марихуана и семки од растението канабис.

Лицето било задржано во Полициската станица Струмица, а за настанот бил запознаен јавен обвинител од Основното јавно обвинителство Струмица.

Полицијата соопшти дека по документирање на случајот против З.Р. ќе биде поднесена соодветна пријава.