Црна хроника
Претрес во Скопје, пронајден кокаин, приведени лица од Грчец и од Гевгелија
Денеска, во Скопје, полициски службеници од Одделот за криминалистичка полиција – Сектор за недозволена трговија со дрога и опасни материи во координација со полициски службеници од Единицата за недозволена трговија и Единицата за интервентна полиција при СВР Скопје ги лишиле од слобода А. О. (23) од с. Грчец, Скопско, и В. К. од Гевгелија.
При претрес во домот во кој престојувале во Скопје, извршен со судска наредба, биле пронајдени и одземени околу 150 грама кокаин и дигитална вага.
Тие биле задржани во полициска станица и по целосно документирање на случајот, ќе биде поднесена соодветна пријава по брза постапка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Дете паднало од електричен тротинет во Гостивар, заврши во болница со тешки повреди
Синоќа во сeлото Врапчиште, Гостиварско, малолетник од истото село, управувајќи електричен тротинет, изгубил контрола и паднал.
Притоа се здобил со тешки телесни повреди констатирани во Ургентниот центар Гостивар.
Извршен бил увид.
Црна хроника
Трактор и автомобил се судрија во Струмичко, тешко повреден едниот од возачите
Вчера во 05.20 часот во Полициската станица Струмица било пријавено дека во селото Мокриево, Струмичко, се случила сообраќајка помеѓу трактор „фергусон 595“ со струмички регистарски ознаки, управуван од К.И.(48) од селото Мокриево, струмичко и автомобил „сузуки“ со струмички регистарски ознаки, управуван од Ѓ.Б.(64) од село Градашорци, струмичко.
Во несреќата со тешки телесни повреди се здобил возачот на патничкото возило, констатирани во Медицинскиот центар Струмица, а увид на местото извршила полициска екипа.
Црна хроника
Приведена прилепчанка поради извршена кражба, одземеното вратено на сопственикот
Вчера во 14.30 часот, полициски службеници од ОВР Неготино ја лишиле од слобода 42-годишната Е.М. од Прилеп поради сомнение дека од домот на 74-годишниот И.М. од Неготино одзела пари, извести МВР.
Е.М. била приведена во полициска станица, а парите биле пронајдени и вратени на сопственикот.
По целосно документирање на случајот, против неа ќе биде поднесена соодветна пријава.