Црна хроника
Приведени двајца крадци од Скопје
Триесетгодишен скопјанец (И. Р.) е приведен поради извршување тешки краби, а лишен од слобода е и 29-годишен скопјанец (О. И.), кој се сомничи дека му помагал во извршувањето на кривичните дела.
„На 5.10.2020, во 22 часот, полициски службеници од ЕВР Кисела Вода, го лишиле од слобода И. Р. (30) од Скопје поради сомнение дека истиот ден на подрачјето на ЕВР Кисела Вода извршил две кривични дела тешка кражба и едно кривично дело тешка кражба во обид. Лицето било приведено и задржано во полициска станица. По преземените мерки, кај него биле пронајдени предмети што потекнуваат од кривичните дела што ги извршил, и тоа: тешка кражба на улицата Козјак, тешка кражба на улицата Димитар Мирасчиев, тешка кражба на улицата Стојан Стојановски и тешка кражба во обид на улицата Димитар Мирасчиев. Во врска со споменатите дела, односно поради сомнение дека извршил кривично дело помагање во извршување на кривичните дела, приведено е и лицето О. И. (29) од Скопје. По целосно документирање на случајот, против двајцата ќе бидат поднесени соодветни пријави“, велат од МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се бара притвор за битолчанка: оставала марихуана на ѕидна ограда од кадешто купувачите си ја подигнувале
Основното јавно обвинителство Битола денеска поведе истрага и предложи мерка притвор за продолжено кривично дело – Неовластено производство и пуштање во промет наркотични дроги, против 33-годишна битолчанка.
Таа во периодот од 3 март до 25 октомври годинава неовластено држела и продавала наркотична дрога марихуана.
Помали пакувања од дрогата, во неколку наврати оставала на надворешниот дел од ѕидна ограда од станбен објект, од каде ја подигнувале купувачи.
При претрес во домот на осомничената полицијата пронашла 13 зипер ќесички марихуана подготвени за натамошна неовластена продажба со вкупна маса од околу 20 грама, како и три дигитални ваги со траги од марихуана и кокаин.
Јавниот обвинител до судијата на претходна постапка од Основниот суд во Битола достави предлог за определување мерка притвор за осомничената поради опасност од бегство, можност за влијание врз сведоци и ризикот дека ќе го повторува делото.
Фото: илустрација
Топ
Скопјанец ограбил две компании за брзи кредити, па го фрлил оружјето од Камени мост и побегнал во Хрватска
Обвинителството поведе истрага против 25-годишен скопјанец, осомничен за две разбојништва извршени во август оваа година во објекти на компанија за брзи кредити во главниот град.
Според обвинителството, првото разбојништво било извршено на 15 август во просториите на фирмата во Градскиот трговски центар. Осомничениот седнал на столче за клиенти, а кога вработената го прашала колку пари сака, извадил пиштол и ѝ наредил да ја отвори касата. Исплашената жена ја извадила касата од фиоката и ја ставила на бирото, по што напаѓачот ги зел 60.500 денари и избегал.
Само три дена подоцна, истиот маж ограбил уште една филијала на истата компанија, овојпат во Старата скопска чаршија. Со закана со пиштол го натерал вработениот да го отвори сефот и одзел уште 25.000 денари. Потоа избегал во правец на плоштадот „Македонија“ и го фрлил оружјето во реката Вардар од Камениот мост.
По извршените разбојништва, осомничениот се сокрил и подолго време бил недостапен за полицијата, бидејќи заминал во Хрватска.
Поради ризик од бегство и можност повторно да го изврши делото, обвинителството побара од судијата на претходна постапка да му биде определена мерка притвор.
Црна хроника
Малолетни девојчиња нападнале врсничка во Чаир, додека ја удирале уште едно девојче снимало со телефон
Во Скопје е пријавен нов инцидент на малолетничко насилство, овојпат на подрачјето на Чаир, меѓу девојчиња.
Според информациите од Министерството за внатрешни работи, 28-годишна жена од Скопје пријавила дека нејзината малолетна ќерка била физички нападната од две врснички, кои ги познавала. Настанот се случил вчера, околу пладне.
Трето малолетно девојче, кое било присутно, со мобилен телефон го снимало целиот напад.
Полицијата информира дека се преземаат мерки за целосно расчистување на случајот.
Фото: Илустрација

