Црна хроника
Приведени осуммина во Прилеп кои требале да издржуваат затворски казни

Криминалистичка полиција и ОСПО при МВР, во координација и соработка со НК за КР ПС-Прилеп, а по претходно изготвен план, спроведоа оперативни активности за лоцирање и приведување лица кои се бараат по потерници, наредби од судови, затворски и други институции на подрачjето на Прилеп.
Притоа, приведени се осум лица за коишто Основниот суд Прилеп имал издадено наредба за нивно приведување и спроведување во соодветните казнено-поправни установи. Oд слобода се лишени М.С. (31) осуден на казна од 2,5 години во КПУ Прилеп; Ј.С. (25) осуден на тримесечна казна во КПУ Прилеп; А.А. (37) на седуммесечна казна во КПУ Идризово; С.М. (37) на едногодишна казна КПУ Идризово; Б.Г. (37) на седуммесечна казна КПУ Идризово; О.Е. (42) на шестмесечна казна КПУ Прилеп; Б.Т. (67) на шестмесечна казна – КПУ Прилеп и Ж.В. (43) исто така шестмесечна казна во КПУ Прилеп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Два случаи на семејно насилство во Скопје: Едниот напаѓач ја давел сопругата до бессознание, другиот ја тепал со боксови

Основното јавно обвинителство Скопје поведе постапка против две лица за семејно насилство. Едниот случај е во Ѓорче Петров, каде осомничениот ја тепал и ја давел вонбрачната партнерка по што таа паднала во несвест, а другиот случај е во Мирковци каде осомничениот ја тепал поранешната сопруга со тупаници.
На 25 септември, во семејниот дом во Ѓорче Петров, при вршење семејно насилство, осомничениот телесно ја повредил неговата вонбрачна партнерка. Физички ја нападнал оштетената, удирајќи ја со тупаници, шлаканици и клоци во пределот на главата и целото тело, па во еден момент почнал да ја дави. Оштетената изгубила свест и и биле нанесени повеќе телесни повреди.
Против друг осомничен, поведена е постапка за истото кривично дело, бидејќи вршел семејно насилство на 1 октомври во селото Мирковци, каде телесно ја повредил неговата поранешна брачна партнерка. Откако дошол во домот и ја известил поранешната сопруга дека решил да остане таму, таа го замолила да си замине. Но, тој одбил, по што почнал физички да ја напаѓа, влечејќи и тегнејќи ја за рацете, удирајќи и тупаници, од кои удари оштетената се здобила со повреди.
Во двата случаи, јавниот обвинител предложи на судијата на претходна постапка да определи мерка притвор за осомничените, поради околности кои укажуваат на опасност од бегство.
Црна хроника
Косовец со автомобил удрил во полицаец кој вршел обезбедување на место на сообраќајка во Мала Речица

Косовец со автомобил удрил во полицаец кој вршел обезбедување на место на сообраќајка во Мала Речица.
Според информациите на МВР, вчера во 20:00 часот во СВР Тетово е пријавено дека на регионалниот пат село Пирок-Тетово, во село Мала Речица, патничко возило „бмв“ со косовски национални ознаки, управувано од А.С.(22) од Косово, удрило во полицискиот службеник С.А.(26) од село Шипковица, тетовско, кој вршел обезбедување на место на сообраќајна незгода.
Притоа, со повреди се здобил полицискиот службеник, констатирани во Клиничка болница Тетово.
По наредба на јавен обвинител, извршен е увид од увидна екипа од СВР Тетово.
Топ
Наставник физички нападна ученик во основно училиште во Кисела Вода

Наставник физички нападнал ученик во основно училиште во Кисела Вода.
Според информациите на МВР, вчера во 13:10 часот во СВР Скопје, А.К.(39) од Скопје пријавил дека на 30.09.2025 во 16:10 часот во основно училиште на подрачјето на Кисела Вода во Скопје, неговиот малолетен син бил физички нападнат од Г.Ј., наставник во училиштето.
По целосно документирање на случајот ќе следува соодветен поднесок.