Црна хроника
Приведени повеќемина дилери на дрога во неколку полициски акции во земјава
Неколку лица се приведени во полициски акции во земјава против дилери на дрога. Како што информира МВР, вчера во 22.30 часот во с.Жеровјане, Тетовско, полициски службеници од СВР Тетово го лишиле од слобода лицето А.И.(42) од с.Чегране, поради тоа што при извршен преглед кај него била пронајдена бела прашкаста материја. Тој бил приведен во полициска станица и по целосно документирање на случајот, против него ќе биде поднесен содветен поднесок.
Претходниот ден во 22.30 часот, полициски службеници од Полициската станица Гевгелија на ул.„Маршал Тито“ во Гевгелија ги лишиле од слобода Б.П.(19), А.Н.(18), Ф.Д.(18), Ѓ.К.(18) и П.П.(20) од Гевгелија, поради тоа што при преглед кај нив била пронајдена марихуана. Исто така, марихуана била пронајдена и одземена при претрес во домот на Б.П., извршен со судска наредба. Лицата биле приведени и по целосно документирање на случајот против нив ќе биде поднесен соодветен поднесок.
СВР Куманово на 3.12.2019 година поднесе кривична пријава против Д.Ј. (32) од Куманово, за сторено кривично дело „неовластено производство и пуштање во промет на наркотични дроги, психотропни супстанции и прекурсори“. На 23.07.2019 околу 23 часот на ул.„В.Маслеша“, при извршен преглед кај него бил пронајден и одземен кокаин.
Надворешната канцеларија за криминалистички работи Кичево поднесе кривична пријава против Џ.Р.(34) од Кичево, поради постоење основи на сомнение за сторено кривично дело „неовластено производство и пуштање во промет наркотични дроги, психотропни супстанци и прекурсори“. На 7.03.2019 полициски службеници извршиле претрес во куќата во која престојувал пријавениот, при што пронашле и одзеле марихуана и трамадол.
Надворешната канцеларија за криминалистички работи Кавадарци поднесе кривична пријава против 16-годишен малолетник од Гевгелија, поради постоење основи на сомнение за сторено кривичнo делo „овозможување употреба на наркотични дроги“. На 7.09.2019 во 22.30 часот пријавениот му посредувал на Т.М. од Велес за набавка на марихуана.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
63-годишен маж починал додека работел на нива
Вчера во 10.30 часот во полициската станица Струмица било пријавено дека е починат 63-годишниот Ж.Ј. од село Муртино.
Тој извршувал земјоделски работи со својот трактор во нива во место викано „Врловарник“, атар на село Муртино. Додека ги вршел работите со тракторот зафатил железна шипка од оранжеријата, која паднала и го повредила при што од здобиените повреди починал.
Смрт констатирал лекар Медицински центар Струмица додека Увид на местото извршиле јавен обвинител од Основното јавно обвинителство Струмица и екипа на СВР Струмица.
Црна хроника
Приведен крадец на голф, автомобилот е вратен на сопственикот
Полициски службеници од СВР Тетово синоќа во 19.40 часот во тетовското село Порој го лишиле од собода Е.М.(27) од Косово, поради тоа што противправно одзел патничко возило „голф“ со тетовски регистерски таблици, сопственост на лице од село Џепчиште, тетовско.
Како што соопшти денеска МВР, Е.М. е задржан во полициската станица Тетово за понатамошна постапка и против него ќе биде поднесена соодветна пријава, додека одземеното возило му било вратено на сопственикот.
Црна хроника
Еден загинат во тешка сообраќајка на патот Струмица-Валандово
Тешка сообраќајна несреќа се случи утринава на патот Струмица-Валандово, поради што и патниот правец беше затворен. Според официјалните информации од МВР, едно лице го загубило животот.
„На излез од село Костурино, струмичко се случила сообраќајна несреќа помеѓу патничко возило и трактор, во која животот го загубило едно лице“, велат од МВР.
Увид на местото врши јавен обвинител и екипа на СВР Струмица.