Црна хроника
Патници нападнале таксист и му го украле возилото

Тројца кичевци, на возраст од 24, 18 и 16 години, вчера биле приведени откако на патот од селото Србјани кон Македонски Брод физички го нападнале такси-возачот А.Г. и му го украле возилото „фолксваген пасат“ со охридски регистарски ознаки, со кое ги превезувал од Охрид кон Кичево.
Од МВР информираат дека веднаш по пријавување на настанот биле преземени мерки од страна на полициски службеници и за кратко време лицата биле пронајдени и приведени. При преземањето дејства, со повреди се здобил еден полициски службеник.
По целосно документирање на случајот, против трите лица ќе биде поднесена соодветна пријава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Приведени тројца државјани на Чешка, пронајдени стари монети

Вчера при контрола на видео надзорен систем на теренот на ПС за ГН Старавина, на местото викано „Брест“ било забележано моторно возило „дачија дастер“ со странски регистерски таблички.
По извршени проверки, во 19 часот, во близина на село Подмол, полициски службеници го пронашле возилото и при извршена контрола констатирано е дека во него биле J.M.(26), Ф.К. (53) и M.H. (47), сите од Р.Чешка, а сместени во закупен стан во Прилеп.
Тие се лишени од слобода и спроведени во ОВР Прилеп.
По наредба на надлежен јавен обвинител од ОЈО Прилеп, извршен е претрес во домот каде што престојувале трите лица, при што е пронајдена метална кутија во која имало 20 стари монети.
Полицијата соопшти дека се преземаат мерки за расчистување на случајот.
Црна хроника
Шеесетгодишник силувал девојче помало од 15 години во Македонски брод

Шеесет и четиригодишниот Б.С. од Македонски Брод е во 30-дневен притвор поради силување на девојче помало од 15-години.
Грозоморниот настан, за кој информираше полицијата, се случил вчера. Се сомничи дека го бакнувал и допирал по телото малолетното девојче од овој град.
Запрепастува и тоа што истото се случувало и пред еден месец. Од МВР информираа дека истиот маж бил пријавен од страна на очевидци дека и тогаш го злоставувал девојчето. Пријавата стигнала до Центарот за социјални работи во Македонски Брод, но од нивна страна не било постапено.
Ќе следат дополнителни активности за целосно расчистување на настанот.
Црна хроника
Се степале малолетнички, па се вмешала бабата

Вчера дека на подрачјето на Шуто Оризари, бил нарушен јавниот ред и мир со физичка пресметка помеѓу две малолетнички од Скопје.
„Потоа, А.Д., баба на една од малолетничките, физички ја нападнала другата малолетничка“, велат од МВР.
Се преземаат мерки за расчистување на случајот.