Црна хроника
Приведени тројца крадци, расчистени шест кривични дела

Вчера, во периодот од 9.20 до 14 часот, полициски службеници на СВР Тетово ги лишиле од слобода 26-годишниот И. Ч. од гостиварска Топлица, 22-годишниот Е. Ф. и 18-годишниот Ј. М. од гостиварски Добридол, извести МВР.
„Тројцата се сомничат дека во изминатиот месец извршиле шест кривични дела тешка кражба и кражба во три објекти во Неготинскиот Регион, а дополнително одзеле и три електрични тротинети“, велат од МВР.
Одземените тротинети се пронајдени и ќе им бидат вратени на сопствениците, а осомничените се задржани и против нив ќе следуваат соодветни поднесоци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Блокиран пат кај Велес поради сообраќајна несреќа

Од 15.25 часот на регионалниот пат кај мотел Велес до Велес, сообраќајот е во целосен прекин.
Од АМСМ информираа дека прекинот е поради сообраќајна несреќа.
Засега нема информации дали има повредени во несреќата.
Црна хроника
Автомобил удри во жена во Струмица

Вчера на крстосницата од улиците Братство единство и Браќа Миладинови во Струмица, автомобил „пежо 407“ со струмички регистарски ознаки, управувано од 39-годишната М.С. од селото Радово, струмичко, удрило во пешакот М.Ф.(39) од Струмица.
Во несреќата со тешки телесни повреди се здобила М.Ф., констатирани во болницата во Струмица.
Извршен е увид.
Топ
Деца од Битола принудувале врснички сексуално да ги задоволуваат, имале компромитирачки материјали

Деца од Битола принудувале врснички полово да ги задоволуваат, заканувајќи им се со компромитирачки материјали кои ги поседувале.
Случајот во МВР го пријавила 37-годишна битолчанка, а според информациите, децата, во неколку наврати со закана ги принудувале нејзината ќерка и нејзината другарка на полови дејствија.
Се преземааат мерки за расчистување на случајот.