Црна хроника
Приведен дваесет и четиригодишен скопски дилер на дрога

Дваесет и четиригодишен дилер на дрога од Скопје ќе добие кривична пријава кога полицијата во неговиот дом пронашла поголема количина марихуана.
Како што информират од полицијата, на 15 овој месец, по судска наредба, полициски службеници извршиле претрес во домот на Б.Т. (24) на скопската улица Благоја Стефковски.
При претресот била пронајдена и одземена една голема кеса во која имало две стаклени тегли, од кои во едната имало 14 поголеми пакувања марихуана, а во другата тегла имало вага и остатоци од марихуана. Исто така, биле пронајдени уште три стаклени тегли со марихуана. Б.Т. бил лишен од слобода и приведен во Полициската станица Гази Баба. За настанот бил известен јавен обвинител, а по целосно документирање на случајот, против Б.Т. ќе биде поднесена кривична пријава поради постоење сомнение дека сторил кривично дело неовластено производство и пуштање во промет наркотични дроги, психотропни супстанции и прекурсори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Кривична против 22-годишен скопјанец: полицијата пронашла кокаин, марихуана, пиштол и куршуми во неговиот дом

СВР Скопје поднесе кривична пријава против 22-годишниот А.С. од Скопје поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“ и „неовластено изработување, држење, посредување и тргување со оружје или распрскувачки материи“.
На 07.05.2025, полициски службеници со судска наредба извршиле претрес во домот на пријавениот во Скопје, при што биле пронајдени и одземени кокаин, марихуана, пиштол „Чешка зброевка“ калибар 7,65 мм и куршуми калибар 7,65 мм, кои ги поседувал без дозвола.
Црна хроника
Малолетници од Куманово истепани од нивни соученици

Вчера во 18.50 часот во СВР Куманово, И.А.(50) и А.Б.(54), двајцата од Куманово, пријавиле дека на 06.05.2025 околу 17 часот, во близина на средно училиште во Куманово, по претходно недоразбирање, нивните малолетни деца биле физички нападнати од неколку малолетници, кои биле од истото училиште, при што употребиле тврд предмет.
Се преземаат мерки за расчистување на случајот.
Црна хроника
Во кругот на Затвор Скопје пронајдени две кесички со марихуана

Денеска околу 08.30 часот во СВР Скопје, од Казнено поправната установа Затвор Скопје било пријавено дека во кругот на установата биле пронајдени и одземени две кесички со марихуана.
Се преземаат мерки за расчистување на случајот.