Црна хроника
Приведен кичевец кој се обидел да подигне брз кредит со туѓа лична карта
Вчера на булеварот Ослободување во Кичево, полициски службеници го приведоа А.Е.(28) од кичевското село Аранѓел.
Тој, со лична карта на друго лице и без добиена согласност, се обидел од кредитно друштво во Кичево да подигне кредит и на тој начин да се стекне со протиправна имотна корист.
При преглед кај него, полициските службеници ја пронашле и одзеле личната карта. По целосно документирање на настанот, против него ќе биде поднесена соодветна пријава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
На сила го внеле во возило и му украле накит и 2.500 евра: Драма во Скопје
СВР Скопје поднесе кривична пријава против И.Ј.(40) од Скопје, поради постоење основи на сомнение за сторени кривични дела „противправно лишување од слобода“ и „изнуда“.
На 13.10.2023 пријавениот, заедно со уште едно лице, со употреба на сила го внеле В.М. во патничко возило.
Mу одзеле накит и 2.500 евра, а потоа го присилиле да земе мобилен телефон од мобилен оператор на свое име и да му го даде на пријавениот.
Црна хроника
Со четирицикл излетале во провалија: Несреќа на Шар Планина
Вчера во 15.45 часот во СВР Тетово, С.У. пријавил дека на патот од локалитетот Лешница кон Попова Шапка неговите пријатели со четирицикл паднале во провалија и не одговарале на неговите повици.
Полициски служби излегле на местото и во близина на бачилото ги затекнале С.У. и повредените Ф.Ф.(24) и С.С.(23) од Тетово и ги однеле до Попова Шапка, од каде со амбулантно возило биле пренесени во Клиничка болница Тетово, каде што им биле констатирани телесни повреди.
Црна хроника
Кривична за битолчанец: во неговото возило пронајдени стари монети, дел од културно наследство
Единицата за сериозен криминал и кривични дела против културно наследство при Одделот за сузбивање на организиран и сериозен криминал до Основното јавно обвинителство Битола, поднесе кривична пријава против Ќ.Д.(57) од Битола.
Тој се сомничи за сторено кривично дело „присвојување на добра под привремена заштита или културно наследство или природни реткости“ по член 265 од Кривичниот законик.
На 19.01.2024 во Битола, полициски службеници од Единицата за сериозен криминал и кривични дела против културно наследство, во координација со полициски службеници од СВР Битола извршиле преглед на пријавениот и во патничкото возило кое го управувал биле пронајдени и одземени две монети кои во периодот од октомври 2023 година до јануари 2024 година ги набавил на нелегален начин и без дозвола од надлежен орган.
По наредба од Основното јавно обвинителство Битола монетите биле доставени до овластен вештак од областа на нумизматиката, кој изготвил извештај за извршена идентификација на нумизматички материјал и утврдено е дека монетите се од различен период, веројатно потекнуваат од различни локалитети и дека претставуваат културно наследство утврдено во Националната класификација на движно културно наследство и подлежат под заштита со Законот за заштита на културното наследство и Кривичниот законик на РСМ.