Црна хроника
Приведен скопјанец за кражби во автомобили

Полицијата го приведе 54-годишниот Џ.Б. од Скопје осомничен за кражби во автомобили. Според информациите на МВР, против него е поднесена кривична пријава за две кражби, со кои се стекнал со противправна имотна корист од 190 000 денари.
Двете кривични дела пријавениот ги извршил на идентичен начин, искористувајќи го отсуството и невниманието на пријавителите, при што од две возила одзел чанта и паричник и со мотоцикл избегал од местото.
Кражбите ги извршил на 17 август годинава, во периодот од 10:50 до 11:10 часот на улица 15 Корпус во Скопје. Во првиот случај од камион „рено“ пријавениот украл чанта во која имало паричник со лични документи, 300 евра и околу 6 000 денари. Втората кражба ја извршил во автомобил „мазда“ од каде што украл паричник со лични документи, околу 400 долари, 450 евра, 30 швајцарски франци, 350 албански леки и 58 000 денари. Крадецот бил приведен на 30 август.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Го излажале дека ќе му транспортираат „мерцедес“ од Швајцарија: тетовец останал без пари и без возило

Вчера во 15.30 часот во СВР Тетово, 46-годишник од тетовско село, пријавил дека бил измамен од лице кое се претставило дека е од Скопје и е претставник на фирма која вршела транспорт на моторни возила Швајцарија во Македонија.
Според пријавеното, во текот на овој месец, тој на социјална мрежа стапил во контакт со лицето и се договориле да му транспортира возило „мерцедес“ од Швајцарија за сума од 1.000 евра.
Како што е пријавено, лицето му пуштило фактура и побарало од него парите да ги прати преку брз трансфер на друго лице.
Исто така, според пријавеното, откако лицето не го презело возилото и му биле наведувани различни причини затоа, тој сфатил дека е измамен. Се преземаат мерки за расчистување и документирање на случајот, соопшти полицијата.
Црна хроника
Уапсен маж од Бразил на Табановце: внел благородни метали и накит со полускапоцени камења

СВР Куманово поднесе кривична пријава против А.К.Ф.(32) од Бразил поради постоење основи на сомнение за сторено кривично дело „внесување на против правно прибавени добра од привремена заштита, културно наследство и природни добра“.
Имено на 10.07.2025 на Граничен премин Табановце, на влез во државата, полициски службеници извршиле контрола при што било констатирано дека пријавениот внел 961 природни реткости (минерали-камења, со различни бои, благородни метали и различен рачно изработен накит со додатоци од полускапоцени камења), а кои се противправно набавени на територија на друга држава, во вредност од 918.000 денари.
Црна хроника
Загина 66-годишен маж од Богданци – со возилото излетал од патот

Вчера во ОВР Гевгелија било пријавено дека околу 16.00 часот на обиколница Богданци, патничко возило „рено клио“ со гевгелиски регистраски ознаки, управувано од Љ.С.(66) од Богданци, излетало од патот.
Од здобиените повреди на местото на настанот починал Љ.С., а лекар од Итната медицинска помош Гевгелија констатирал смрт.
По насоки на јавен обвинител телото на починатиот било предадено на обдукција.
Извршен бил увид од увидна екипа од ОВР Гевгелија.