Црна хроника
Приведен сторител на разбојничка кражба, фатен на дело

Вчера, полициски службеници од Полициската станица Кисела Вода го лишиле од слобода 32-годишниот Ф. М. од Скопје. Тој бил затекнат при извршување разбојничка кражба на подрачјето на Кисела Вода, при што одзел велосипед, извести МВР.
„Одземеното било пронајдено и вратено на сопственикот, а Ф. М. бил задржан во полициска станица и со него бил извршен службен разговор“, соопшти МВР.
По целосно документирање на случајот, Одделението за криминалистички работи при ЕВР Кисела Вода ќе поднесе соодветна пријава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсени мажи од Битола и од Кривопаланечко: возеле под дејство на алкохол

Денеска во 00:16 часот на улицата „Партизанска” во Битола, полициски службеници од СВР Битола го лишија од слобода П.Т.(40) од Битола.
При контрола на патниот сообраќај, полициските службеници запреле возило „пежо” со битолски регистарски ознаки, кое го управувал П.Т., и по преземени мерки констатирано е дека е под дејство на алкохол, односно измерени му се 1,58 промили алкохол во крвта.
Исто така ноќеска, во 01:05 часот, полициски службеници од ОВР Крива Паланка го лишија од слобода Г.Ѓ.(51) од село Конопница, кривопаланечко. Постапувајќи по претходна пријава дека во село Тлминци, кривопаланечко, управувал товарно моторно возило под дејство на алкохол, полициските службеници го сопреле возилото и по преземени мерки измерени му се 1,75 промили алкохол во крвта.
Тие се задржани во полициска станица и по целосно документирање на случајот против нив ќе биде поднесена соодветна пријава по член 297-а од Кривичниот законик – „безобѕирно управување со моторно возило”.
Црна хроника
Претрес во Радовиш, пронајдена марихуана, лишено од слобода едно лице

Вчера во 17:45 часот во Радовиш, полициски службеници од СВР Струмица-ОВР Радовиш го лишија од слобода 34-годишниот Н.Б. од Радовиш.
При претрес во неговиот дом, извршен со судска наредба, пронајдена е марихуана.
Запознаен е јавен обвинител од Основното јавно обвинителство Радовиш, а по документирање на настанот, против него ќе биде поднесена соодветна пријава.
Црна хроника
Три лица прегазени во Скопје, едно во Струмица

Вчера во 10:40 часот во СВР Скопје е пријавено дека на ул.„60“ во с.Волково, скопско, патничко возило „фолксваген фокс“ со скопски регистарски ознаки, управувано од С.Р.(73) од Скопје, удрило во пешакот Ц.С.(55) од с.Волково.
Во несреќата со тешки телесни повреди се здобил пешакот, констатирани во Комплексот клиники „Мајка Тереза“. Извршен бил увид од увидна екипа од СВР Скопје.
Истиот ден во 15:35 часот во СВР Скопје е пријавено дека на бул.„Србија“ во Скопје мотоцикл „јамаха“ со скопски регистарски ознаки, управуван од А.М.(26) од населба Илинден, скопско, удрил во 76-годишната Н.К. од Скопје.
Во несреќата со тешки телесни повреди се здобила Н.К., констатирани во Комплексот клиники „Мајка Тереза“. Извршен бил увид од увидна екипа од СВР Скопје.
Во СВР Скопје на 29.09.2025 во 09:30 часот било пријавено дека на ул.„Мајка Тереза“ во Скопје, патничко возило „хонда“ со скопски регистарски ознаки, управувано од 49-годишната М.П. удрило во малолетен пешак, двајцата од Скопје.
Во несреќата со тешки телесни повреди се здобил пешакот, констатирани во Комплексот клиники „Мајка Тереза“. Извршен бил увид од увидна екипа од СВР Скопје.
82-годишна жена била тешко повредена по удар од патничко возило во Струмица.
Имено синоќа во 20:30 часот во СВР Струмица е пријавено дека на крстосницата од ул.„Младинска“ и ул.„Панче Пешев“ во Струмица, патничко возило „мерцедес“ со струмички регистарски ознаки, управувано од П.Т.(66) од Струмица, удрило во пешакот К.Б.(82) од Струмица.
Во несреќата со тешки телесни повреди се здобил пешакот, констатирани во Медицинскиот центар Струмица. Извршен е увид од јавен обвинител и увидна екипа на СВР Струмица.