Црна хроника
Приведен 19-годишен скопјанец што превезувал мигранти

19-годишно момче од Скопје било фатено од страна на полицијата при нелегално превезување мигранти, а истовремено управувало и со возилото, без да стекне право за тоа.
Како што соопштуваат од МВР, 19-годишниот скопјанец на автопатот Гевгелија-Скопје најпрвин бил забележан како се движи со голема брзина, а само неколку минути подоцна во близина на тунелот и мостот на реката Вардар кај Демир Капија возилото застанало и од него излегле повеќе лица по што продолжило со движење кон Демир Капија, каде што било запрено од полициски службеници.
На местото биле затечени девет мигранти, без документи за идентификација.
19-годишното момче и мигрантите веднаш се приведени, а од МВР информираат дека се преземаат мерки за целосно расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Младо момче добило лажна порака да се сретне со девојка, па било однесено во куќа во Ѓорче и претепано

Хорор во скопската населба Ѓорче Петров.
Мајка пријавила во полицијата дека нејзиниот 15-годишен син примил порака на социјална мрежа од лажен профил на неговата девојка, за да се сретнат.
Потоа, според информацијата на МВР, момчето заминало на договореното место, но наместо да се сретне со девојката било пресретнато од четири машки лица од кои едниот го познавало од претходно.
Според пријавата, четворицата го грабнале и однеле во куќа во Ѓорче, по што го натепале и му го украле мобилниот телефон. За ужасот да биде поголем, насилството го снимале и го објавиле на социјална мрежа, а подоцна видеото било избришано.
Се преземаат мерки за расчистување на случајот
Црна хроника
Приведен скопјанец кој со нож и’ се заканувал на сопругата

Синоќа во скопско село, полицијата го приведе Д.С.(62), постапувајќи по претходна пријава дека во семејниот дом со остар предмет и се заканувал на својата 59-годишна сопруга.
По целосно документирање на случајот ќе следува соодветен поднесок, објави МВР во дневниот полициски билтен.
Црна хроника
Велешанка удрила во момче на пешaчки премин и го напуштила местото

Полицијата изврши службен разговор со 43-годишната В.В. од Велес, која вчера околу 7 часот наутро на обележан пешачки премин на улица Благој Ѓорев во Велес, со автомобил „киа“ удрила во 16-годишник од Велес и го напуштила местото.
Пешакот се здобил со полесни повреди. Извршен бил увид, информираа од полицијата.