Црна хроника
Притворен возачот на „мерцедесот“ учесник во страшната сообраќајка кај Стенковец
Како што соопшти МВР, во с. Желино, тетовско, полициски службеници од СВР Тетово го лишиле од слобода Б.Д.(43) од с. Ново Село, тетовско во врска со сообраќајната несреќа што се случи на 07 март на автопатот Северна обиколница на град Скопје, во близина на клучка Стенковец.
Според полицијата, Б.Д. бил изведен пред судија на претходна постапка во Кривичен суд и одредена му е мерка 30 дневен притвор. Тој е спроведен во Казнено поправната установа Скопје.
Возачот на товарното возило „Мерцедес“ возел по средната сообраќајна лента од автопатот, не се придржувал кон прописите, го загрозил јавниот сообраќај и го довел во опасност животот на луѓето. Тој не ја приспособил брзината на движење на возилото сспоред својствата и состојбата на патот, густината во сообраќајот и другите сообраќајни услови за да може навреме да запре.
Поради тоа со предниот десен дел од возилото со кое управувал удрил во левиот страничен дел на товарно возило „МАН“ со кумановски регистарски ознаки кое било запрено на десната сообраќајна лента наменета за принудно запирање поради дефект.
По ударот, запреното возило се придвижило нанапред и удрило во телото на едно оштетено лице кое стоело меѓу кабината и товарниот сандак и изведувало механичарски работи над товарното возило „МАН“.
Од ударот оштетениот добил тешки телесни повреди и починал на лице место, а со телесни повреди се здобил и возачот на запрениот камион и уште едно лице кое стоело во близина.
По несреќата, осомничениот го напуштил местото без да им укаже помош на повредените.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Турчин со „хонда“ удрил во полицаец
Денеска во 02.50 часот, полициски службеници од ОВР Гостивар го лишиле од слобода О.Д.(28) од Република Турција затоа што со патничко возило „хонда” со скопски регистарски ознаки, кое го управувал, удрил во полициски службеник кој извршувал службени дејствија.
Тој е задржан во полициската станица Гостивар и по целосно документирање на случајот против него биде поднесена соодветна пријава.
Црна хроника
Го погодил проектил во нога додека собирал печурки
Маж од Велес собирал печурки и почувствувал убод во левата нога. По лекарски преглед, од коленото му бил изваден проектил од огнено оружје.
„Во СВР Велес вчера во 11 часот, 63-годишниот Д.Ј.од Велес, пријавил дека при собирање печурки во атарот на село Лисиче, Општина Чашка, почувствувал убод на левата нога, по што во Општа болница Велес му бил извршен преглед и од коленото му бил изваден проектил од огнено оружје“, информира денеска Татјана Ѓуровска од СВР Велес.
Таа додаде дека за настанот бил известен јавен обвинител од Основното јавно обвинителство Велес и дека се преземаат мерки за негово расчистување.
Црна хроника
Мигранти од Турција и Ирак најдени на автопат кај Неготино
Полициски службеници од ОВР Неготино пронашле тројца мигранти, двајца од Република Турција и еден од Ирак, соопшти Министерството за внатрешни работи (МВР).
Мигрантите се пронајдени рано утрово, во 02.15 часот, на автопатот А1 кај Неготино по што се предадени на Полициската станица за граничен надзор Михајлово за натамошна постапка.