Црна хроника
Притвор за дилери на марихуана, заедно пренесувале приближно половина килограм марихуана

Основното јавно обвинителство Скопје донесе наредба за проведување истражна постапка против три лица за кои постои основано сомнение дека како соизвршители сториле кривично дело неовластено производство и пуштање во промет наркотични дроги, психотропни супстанци и прекурсори од член 215 став 1 во врска со член 22 од Кривичниот законик.
Имено, двајца од осомничените, на 14 септември, на паркинг во близина на Катлановска Бања во селото Катланово, заедно, заради продажба, пренесувале 489,4 грама наркотична дрога марихуана, а третиот посредувал во продажбата на дрогата.
Полициските службеници ја откриле дрогата при преглед на автомобил на наплатната станица „Сопот“.
Надлежниот јавен обвинител до судијата на претходна постапка од Основниот кривичен суд Скопје достави предлог за определување мерка притвор против двајца од осомничените, од кои едниот требало да се наоѓа на издржување казна затвор во затворот „Идризово“, меѓутоа по сторување на делото, бил откриен како слободно се движи во Ресен.
Третиот осомничен, пак, посредник при продажбата на дрогата, веќе се наоѓа во притвор по лишувањето од слобода пред 10-ина дена во постапка на Основното јавно обвинителство Велес за друг случај на илегална продажба на марихуана.
Од 14 септември Основното јавно обвинителство Велес води постапка и против лицето што ја купило дрогата од тројцата осомничени и во чиј автомобил ја пронашле полицајците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Тепачка во болницата „8 Септември“: двајца скопјани ги нападнале вработените

Вчера во 14.10 часот, полициски службеници од СВР Скопје ги лишиле од слобода У.П.(44) и А.Б.(50), двајцата од Скопје.
Полицијата постапила по претходна пријава дека во Градската општа болница „8 Септември“ – Скопје го нарушиле јавниот ред и мир со агресивно однесување кон вработените, при што А.Б. физички го нападнал И.И.(33) од с.Грчец, скопско, вработен како обезбедување во установата.
По целосно документирање на случајот ќе следуваат соодветни поднесоци, соопшти полицијата.
Топ
Автомобил удри во велосипедисти од Исланд, учесници на Младинските европски олимписки игри, пренесени се во болница

Вчера попладне во СВР Куманово било пријавено дека на регионалниот пат Куманово-Свети Николе, атар на село Зубовце, кумановско, патничко возило „фолксваген пасат“ со кумановски регистарски ознаки, управувано од Н.Б.(42) од Куманово, удрило во двајца малолетни велосипедисти од Исланд.
Според информациите на МВР тие се учесници на младинските европски олимписки игри, што се одржуваат во нашата земја и кои се подготвувале за денешната велосипедска трка.
Во незгодата со телесни повреди се здобиле двајцата велосипедисти, констатирани во Општа болница Куманово. Извршен е увид од увидна екипа на СВР Куманово.
Црна хроника
Пијан возач удрил во бетонски столб во Струшко

Доцна синоќа во 02.20 часот, во полиција е пријавено дека, на локален пат во струшкото село Октиси, патничко возило „рено“ со струшки регистарски ознаки, управувано од М.Ш., удрило во бетонски столб.
Возачот бил пренесен во Општата болница во Струга. По извршено алкотестирање, утврдено е дека тој возилото го управувал со 1,93 промили алкохол во крвта, по што против него ќе биде поднесена кривична пријава по член 297 од Кривичниот законик „безобѕирно управување моторно возило“.