Црна хроника
Притвор за разбојник, кој со влечење по земја ѝ одзел златен синџир на жена во Битола
Основното јавно обвинителство Битола донесе наредба за спроведување истражна постапка против едно лице поради постоење основано сомнение дека го сторило кривичното дело – разбојништво од член 237 став 1 од Кривичниот законик.
Осомничениот на 9.9.2020 година, околу 18.45 часот, во Битола, додека се разминувал со оштетената, ѝ го фатил златното синџирче што го носела околу вратот и почнал со сила да се обидува да ѝ го скине. Бидејќи синџирчето било масивно и не се кинело, осомниченот почнал да ја влече и трга оштетената, ја соборил на тротоарот, при што успеал да ѝ го скине синџирот во вредност од 120.000 денари и да ѝ го одземе со намера противправно да го присвои.
Во насока на обезбедување натамошно непречено одвивање на кривичната постапка, јавниот обвинител, кој постапува во предметот, до надлежниот суд поднесе предлог за определување на мерката притвор за осомниченото лице. Предлогот беше прифатен од судот, кој на осомничениот му определи притвор во траење од 30 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена струмичанка во сообраќајна несреќа на патот Валандово – Струмица
Денеска, околу 00.25 часот во Полициската станица Валандово било пријавено дека на регионален пат Валандово – Струмица, на место викано „Валандовско брдо“ се случила сообраќајна несреќа помеѓу патничко возило „голф“ со велешки регистарски ознаки, управувано од 31-годишниот К.Т. од Гевгелија и патничко возило „пежо“ со струмички регистарски ознаки, управувано од 30-годишната С.Д. од Струмица, соопшти МВР.
Во несреќата со тешки телесни повреди се здобила С.Д., а со телесни повреди се здобил К.Т., констатирани во Медицински центар Гевгелија, додаваат од МВР.
Увид на местото извршила екипа на Полициската станица Валандово.
Црна хроника
Тројца скопјани искасани од кучиња скитници
Тројца скопјани пријавиле каснување од куче скитник во полициските станици во текот на вчерашниот ден.
На 25.04.2024 во 19.20 часот во Полициската станица Центар, Л.Ш.(42) од Скопје пријавила дека на ул.„Вардарска“ во Скопје била касната од куче скитник.
На 25.04.2024 во 12.00 во Полициското одделение Мирковци, Р.Г.(38) од Скопје пријавил дека во близина на обиколницата Скопје, бил каснат од куче скитник.
На 25.04.2024 во 14.10 часот во Полициската станица Карпош, К.С.(46) од Скопје пријавил дека на ул.„Милан Марковиќ“ во Скопје бил каснат од куче скитник.
Црна хроника
На граничниот премин Долно Блаце уапсен маж од Косово
Вчера во 17.20 часот на Граничниот премин Долно Блаце, на влез во државата, полициски службеници го лишиле од слобода 24-годишниот В.И. од Косово, затоа што при извршена пасошка контрола и проверка во оперативна евиденција констатирано било дека евидирал со мерка „апси“ по барање на Интерпол Шведска, извести МВР.
Тој бил предаден на полициски службеници од Полициската станица Кисела Вода за понатамошна постапка.