Црна хроника
Притвор за татко и син за продажба на дрога
![](https://makfax.com.mk/wp-content/uploads/2018/10/marihuana-1.jpg)
Судот им определи притвор на татко и син од Тетово за продажба на марихуана. Тие се осомничени за кривично дело неовластено производство и пуштање во промет наркотични дроги, психотропни супстанции и прекурсори.
Кај осомничениот 53-годишен жител на Тетово и неговиот 27-годишен син биле пронајдени 9.450 грама марихуана.
„На 30 август, зад бензинска пумпа во Тетово, осомничените го паркирале своето патничко моторно возило марка ‘бмв’, со цел да вршат продажба на дрогата. Полициски службеници од СВР Тетово ги забележале возилото и дрогата во него, па веднаш го заплениле“, соопшти Обвинителството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Уапсен вработен во фабрика за медицински канабис: на излез обезбедувањето пронашло пакување со кафеава материја
![](https://makfax.com.mk/wp-content/uploads/2022/06/Apsenje.jpg)
Вчера во 15.55 часот на улица „15 Корпус“ во Охрид, полициски службеници од СВР Охрид врз основа на Закон за контрола на опојни дроги и психотропни супстанции, од слобода го лишија Ј.П.(41) од Струга, вработен во фабрика за производство на медицински канабис.
Од него е одземено едно пакување со кафеава материја, која е пронајдена кај него од работник на обезбедување при излез од фабриката.
По целосно документирање на настанот, против него ќе биде поднесена соодветна пријава.
Црна хроника
(Видео) Запленети над 150 килограми марихуана во товарно возило на преминот Богородица
![](https://makfax.com.mk/wp-content/uploads/2025/02/Screenshot-2025-02-12-143143.jpg)
Во рамките на заеднички оперативни активности на полициските и царинските службеници спречен е обид за меѓународен транспорт на наркотична дрога марихуана. При детаљна контрола на товарно моторно возило – камион, со скопски регистраски ознаки, извршена на граничен премин Богородица, пронајдена е и запленета значителна количина наркотична дрога марихуана за која дополнително ќе биде извршена форензича анализа и вештачење. Според првичните информации, товарното возило влегло од Косово, кое преку Македонија требало да транзитира кон Грција, со крајна дестинација Турција, соопшти МВР.
Успешната акција, како што појаснуваат во информацијата, е резултат на одличната меѓуинституционална соработка помеѓу Министерството за внатрешни работи и Царинската управа и претставува потврда за заедничките напори во борбата против организираниот криминал и нелегалната трговија со наркотични средства за што во ноември 2024 година беше потпишан меморандум за соработка.
Истрагата, најавуваат надлежните, продолжува со цел утврдување на сите инволвирани лица и начинот на организирање на транспортот. Јавноста ќе биде навремено информирана за сите понатамошни детали од случајот.
Црна хроника
Три лица искасани од кучиња скитници, меѓу нив и малолетничка
![](https://makfax.com.mk/wp-content/uploads/2017/12/5411661a-1b74-4dd7-b509-50755bfa64d2-psi-lutalice1-preview.jpg)
Вчера во 09.30 часот во Полициската станица Аеродром, А.Н.(32) од Скопје пријавил дека на бул.„Кузман Јосифовски Питу“ во Скопје бил каснат од куче скитник.
Истиот ден во 14.35 часот во Полициската станица Центар, Н.Б.(55) од Скопје пријавил дека на ул.„Димитрије Чуповски“ во Скопје, неговата малолетна ќерка била касната од куче.
Во Полициската станица Велес, вчераво 17.10 часот Н.Н.(18) од Велес пријавил дека во двор од средното општинско училиште „Кочо Рацин“ во Велес бил каснат од куче.