Црна хроника
Притвор за тројца прилепчани кои пренесувале над 45 килограми дрога
Прилепското основно јавно обвинителство поведе постапка против три лица, сите од село Дебреште, поради сомневање дека сториле кривично дело – неовластено производство и пуштање во промет на наркотични дроги.
Првоосомничениот заради продажба организирал неовластено пренесување, а второ и третоосомничениот пренесувале хашиш во количина од 14.472,8 грама спакуван во една најлонска вреќа и марихуана во количина од 31.147,4 грама спакувана во три најлонски вреќи.
Откако претходно првоосомничениот ја набавил дрогата од непознато лице, му кажал на второосомничениот од каде да ја подигне за да ја пренесе до местото Песјо Брдце во Прилеп, каде што требало да се изврши продажбата.
На четврти септември второосомничениот заедно со третоосомничениот ја подигнале дрогата и ја ставиле во возило, по што околу 20:30 часот пристигнале на договореното место.
Третоосомничениот ги извадил четирите вреќи со дрога и ги ставил покрај патот, а второосомничениот се упатил кон комбе кое претходно било паркирано, а во кое сметал дека се наоѓа купувачот на дрогата, при што бил пресретнат и фатен од страна на полицијата.
На осомничените им е определен притвор во траење од 30 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Пронајдена скопјанката која беше пријавена за исчезната
Вчера во 20.00 часот во СВР Скопје било пријавено дека на подрачјето на Чаир била пронајдена 26-годишната И.Е. од Скопје, извести МВР.
На 26.08.2024 нејзиниот татко В.Е.(69) пријави дека се оддалечила од својот дом на подрачјето на Гази Баба, додаваат од МВР.
Црна хроника
Штипјанец пријавил во полиција дека неговата малолетна ќерка се оддалечила од домот
Денеска во 01.30 часот во СВР Штип, 37-годишниот Е.М. од Штип пријавил дека од домот се оддалечила неговата малолетна ќерка, 17-годишната Ј.М., извести МВР.
Според пријавеното, најверојатно таа се наоѓа во Велес кај лицето Р.В.. Се преземаат мерки за пронаоѓање на лицето.
Топ
Млад скопјанец нападнат со нож пред станот во Аеродром, едниот од напаѓачите му се заканил со оружје
Дваесет и петгодишен скопјанец синоќа бил нападнат пред станот во којшто живее на подрачјето на општина Аеродром.
Според пријавеното, момчето било нападнато со остар предмет од Н.С. и уште две лица, а едниот му се заканувал со пиштол.
Пренесен е во приватна болница за укажување помош.
Се преземаат мерки за расчистување на случајот.