Црна хроника
Пријави за разбојници што нападнале и ограбиле таксисти во Тетово

СВР Тетово поднесе кривична пријава против М. П. (18) од с. Вешала, Tетовско, А. И. (17) од с. Мерово, Тетовско, А. С. (20) од селото Камењане, Тетовско поради постоење основи на сомнение за сторени кривични дела разбојништво и тешка кражба, против М. А. (22) од селото Боговиње и Д. С. (23) од селото Камењане поради тешка кражба.
Прво, второ и третопријавениот на 5.1.2020 на улицата Маршал Тито се качиле во такси-возило и кога пристигнале на местото, со закана со нож од возачот одзеле пари. Прво, второ и третопријавениот на 5.1.2020 на улицата Маршал Тито се качиле во друго такси-возило и на ист начин и од овој возач одзеле пари и побегнале. Трето и четвртопријавениот на 4.3.2020 на крстосницата од улицата Маршал Тито и Јане Сандански се качиле во такси-возило и кога пристигнале на бараната локација, со употреба на сила од возачот одзеле пари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Притвор за српски државјанин кој кај Гевгелија возел со лажни италијански таблички

Основното јавно обвинителство Гевгелија поведе постапка против државјанин на Република Србија осомничен за фалсификување исправа.
Осомничениот на 24 јули, на регионалниот пат Гевгелија – Богданци управувал автомобил Фолксваген поло со лажни италијански регистарски таблички.
Полициски службеници во близина на раскрсницата Ѓавато му дале светлосен знак да застане за да извршат редовна контрола. Но осомничениот не запрел туку го забрзал возилото, а полицајците го следеле. Кај местото викано „Карпи“ го оставил автомобилот и побегнал, но по кратко време бил пронајден. Полицијата констатирала дека осомничениот не поседува сообраќајна дозвола или каква било друга документација за да се утврди потеклото на возилото, додека регистарските таблици припаѓаат на друго возило.
По предлог на јавниот обвинител, судија на претходна постапка од Основниот суд во Гевгелија определи мерка притвор во траење од осум дена за осомничениот.
Црна хроника
Се судрија мотоцикл и трактор во Штипско: тешко повреден 15-годишник

Вчера околу 09.20 часот во СВР Штип било пријавено дека во с.Радање, општина Карбинци, се случила сообраќајна несреќа помеѓу мотоцикл без регистарски ознаки, управуван од 15-годишник од с.Радање и трактор „ИМТ 533“ без регистарски ознаки, управуван од С.И. (45) од с.Голем Габер, општина Карбинци.
Во несреќата со тешки телесни повреди се здобил мотоциклистот, констатирани во Клиничка болница Штип.
Извршен бил увид од увидна екипа од СВР Штип.
Црна хроника
Сообраќајна несреќа на патот Куманово – Крива Паланка, сообраќајот во прекин

АМСМ информира за прекин на сообраќајот на патот Куманово – Крива Паланка поради сообраќајна несреќа.
Поради сообраќајна незгода, сообраќајот на магистралниот пат Куманово – Крива Паланка, кај ресторан „Фемили“ од 13:00 часот е во прекин, соопштија надлежните.