Црна хроника
Пронајдени мигранти од Кина и Авганистан, уапсени двајца криумчари

Синоќа во 19.30 часот на граничната линија помеѓу Република Северна Македонија и Република Грција, полициски службеници од Полициската станица за гранични проверки и граничен надзор Богородица забележале пет лица при обид илегално да ја преминат државната граница.
Притоа, од слобода биле лишени Л.Ј.(35) и 17 – годишник од Кина и У.К.(23) од Авганистан, додека две лица го напуштиле местото.
Набргу, по преземени мерки и активности, а поради сомнение дека сториле кривично дело „криумчарење мигранти“ по член 418 – Б од Кривичниот законик, исто така, во близина на граничната линија биле лишени од слобода Д.Т.(32) и 49 – годишната В.Т., двајцата од Гевгелија.
Во нивна близина биле пронајдени мобилни телефони кои биле подигнати за понатамошна постапка, а тие биле задржани во полициска станица.
По целосно документирање на случајот и во координација со јавен обвинител, против нив ќе биде поднесена соодветна пријава, соопшти полицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Швеѓанец за да избегне ќотек останал без маица на Широк Сокак

Во четвртокот околу 19:50 часот, во СВР Битола, С.Х.Д. (32) од Шведска, кој моментално престојува во Дебар, пријавил напад на улицата Широк Сокак во Битола.
Според пријавителот, на него му пристапиле неколку непознати лица на возраст околу 20 години, кои се обиделе да му ја соблечат маицата со исцртани симболи на друга држава.
Како што информира МВР, откако увидел дека не може да се одбрани, С.Х.Д. ја соблекол маицата и им ја предал на напаѓачите, кои потоа заминале во непознат правец.
„Се вршат проверки за настанот и се преземаат мерки за пронаоѓање на сторителите“, наведуваат од МВР.
Црна хроника
Истурил течност и запалил „лaнд ровер“, утрово гореше возило во Куманово

Рано утрово луксузен „ланд ровер“ беше опожарен на улицата Моша Пијаде во Куманово.
Настанот бил пријавен во СВР Куманово на 30 август 2025 година, околу 05:10 часот, од лицето Б.Ц. Пожарот бил забележан на возилото сопственост на А.Г., кое веднаш било гаснато со помош на сопственикот и негов сосед, спречувајќи поголема катастрофа.
По насоки на дежурен јавен обвинител, увид извршила увидна екипа на ОКТУПА при СВР Куманово. Констатирано е дека станува збор за подметнат пожар. Засега непознат сторител со непозната течност го испрскал возилото на повеќе места, ја запалил и потоа успеал да побегне без да биде забележан.
Од полицијата информираат дека е причинета материјална штета во износ од околу 120.000 денари, а истрагата е во тек.
Црна хроника
17-годишник и 15-годишник со сила ограбиле доставувач, му го украле ранецот со пратки

Полицијата во Скопје спречи грабеж извршен од двајца тинејџери, кои нападнале доставувач и му го украле ранецот со пратки.
На 29 август 2025 година, околу 18:20 часот, полициски службеници од СВР Скопје ги лишиле од слобода 17-годишен и 15-годишен малолетник, двајцата од скопско.
Според информациите, истиот ден околу 16:40 часот, малолетниците со употреба на физичка сила го нападнале 23-годишниот У.Д. од Скопје, кој во моментот извршувал работни задачи како доставувач на пратки. Тие му го одзеле ранецот со пратки, по што се обиделе да избегаат.
Брзата реакција на полицијата довела до нивно пронаоѓање и приведување во Визбегово. По целосното документирање на случајот, против нив ќе биде поднесен соодветен поднесок.